(vovworld) - ວັນທີ 18/12, ບັນດາການນຳສະຫະພາບເອີລົບ (EU) ໄດ້ສິ້ນສຸດກອງປະຊຸມສຸດຍອດສຸດທ້າຍໃນປີ 2015 ດ້ວຍເລື່ອງຢືນຢັນຄືນໃໝ່ຄວາມຕັດສິນໃຈສືບຕໍ່ບັ້ນຕໍ່ສູ້ຕ້ານກໍ່ການຮ້າຍ ແລະ ຊອກຫາມາດຕະການແກ້ໄຂຢ່າງສົມເຫດສົມຜົນ ແລະ ຕ່າງຝ່າຍຕ່າງມີຜົນປະໂຫຍດໃຫ້ເລື່ອງລາຊະອານາຈັກອັງກິດ ສືບຕໍ່ເຂົ້າຮ່ວມ EU. ກ່າວຄຳເຫັນຕໍ່ວົງການນັກຂ່າວ, ພາຍຫຼັງສິ້ນສຸດກອງປະຊຸມຢູ່ບຣຸກແຊນ, ປະເທດແບນຊິກ, , ທ່ານປະທານສະພາເອີລົບ Donald Tusk ໃຫ້ຮູ້ວ່າ, ການນຳ 28 ປະເທດ EU ໄດ້ເນັ້ນໜັກເຖິງຄວາມຈຳເປັນຕ້ອງເພີ່ມທະວີການແລກປ່ຽນຂໍ້ມູນຂ່າວສານ ກໍຄືເພີິ່ມທະວີການສົມທົບກັນລະຫວ່າງບັນດາອົງການສືບລາຊະການລັບບັນດາປະເທດເອີລົບ. ພ້ອມກັນນັ້ນ, EU ຈະຮີບເຮັ່ງເພີ່ມທະວີການຮ່ວມມືກັບບັນດາຄູ່ຮ່ວມມືອາຟະລິກາເໜືອ, ອາຟະລິກາກາງ, ຕວກກີ ແລະ ບັນດາປະເທດ ຕາເວັນຕົກເຂດ Balkan ໃນການຕໍ່ສູ້ຕ້ານກໍ່ການຮ້າຍ.