(vovworld) – ຕອນເຊົ້າວັນທີ 08/05, ຢູ່ຮ່າໂນ້ຍ, ຄະນະກຳມະການປະຊາຊົນແຂວງແຄ໋ງຮ່ວາ ໄດ້ຈັດກອງປະຊຸມຂ່າວເພື່ອໂຄສະນາເນື້ອໃນ Festival ທະເລ ຍາຈາງ - ແຄ໋ງຮ່ວາ, ເຊິ່ງຈະຈັດຂຶ້ນແຕ່ວັນທີ 11 - 14/07 ຈະມາເຖິງ, ຢູ່ນະຄອນ ຍາຈາງ. Festival ທະເລ ຍາຈາງ - ແຄ໋ງຮ່ວາ ປີ 2015 ດ້ວຍຫົວຂໍ້ວ່າ “ສັນຕິພາບ ແລະ ຫົວຄິດປະດິດສ້າງ”. ທ່ານ ເຈືອງດັງຕ໋ວຽນ, ຫົວໜ້າພະແນກວັດທະນະທຳ - ກິລາ ແລະ ທ່ອງທ່ຽວ ແຂວງແຄ໋ງຮ່ວາ, ໃຫ້ຮູ້ວ່າ.
“ຈຸດພົ້ນເດັ່ນສຳຄັນ ແລະ ຕົ້ນຕໍ່ຂອງ Festival ປີ 2015 ແມ່ນສຸມໃສ່ເຂົ້າໃນບັນດາການເຄື່ອນໄຫວມຸ່ງໄປເຖິງທະເລ, ໝູ່ເກາະ, ສະແດງໃຫ້ເຫັນຄວາມສະຫງົບຂອງນະຄອນທະເລ. ພວກຂ້າພະເຈົ້າຈັດຕັ້ງບັນດາກອງປະຊຸມສຳມະນາມຸ່ງໄປສູ່ທະເລ, ສ້າງຄວາມຮັ່ງມີດ້ວຍເສດຖະກິດທະເລ. ທີ່ 2 ແມ່ນ, ບັນດາຈຸດວັດທະນະທຳສະແດງອອກຜ່ານສີສັນເຂດທະເລຂອງປະຊາຊົນຢູ່ທີ່ນີ້, ເພື່ອໃຫ້ນັກທ່ອງທ່ຽວເຂົ້າໃຈປະຊາຊົນຢູ່ເຂດທະເລກວ່າ.”