(vovworld) - ຕອນຄຳ່ວັນທີ 11/7, ນະຄອນຍາຈາງ, ແຂວງແຄ໋ງຮ່ວາໄດ້້ຈັດຕັ້ງພິທີໄຂ Festival ທະເລຍາຈາງ - ແຄ໋ງຮ່ວາ 2015 ດ້ວຍຫົວຂໍ້ວ່າ: “ທະເລຂຽວ - ຂຽວຕະຫຼອດ“. ທ່ານປະທານປະເທດ ເຈືອງເຕິ໋ນຊາງ, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ, ການນຳກະຊວງ, ຂະແໜງການສູນກາງ, ບັນດາຄະນະທູຕານຸທູດ ພ້ອມກັບນັກທ່ອງທ່ຽວ 10.000 ກວ່າຄົນ ແລະ ຊາວທ້ອງຖີ່ນໄດ້ເຂົ້າຮ່ວມພິທີດັ່ງກ່າວ.
ກ່າວຄວາມເຫັນທີ່ພິທີໄຂ, ທ່ານລັດຖະມົນຕີວ່າການກະຊວງວັດທະນະທຳ ກິລາ ແລະ ທ່ອງທ່ຽວ ຮ່ວາງຕ໋ວນແອງ, ເນັ້ນໜັກວ່າ, Festival ທະເລຍາຈາງ - ແຄ໋ງຮ່ວາ 2015 ບໍ່ພຽງແຕ່ແມ່ນເຫດການວັດທະນະທຳ, ທ່ອງທ່ຽວເທົ່ານັ້ນ, ຫາກຍັງແມ່ນການເຄື່ອນໄຫວ ເພື່ອໃຫ້ພວກເຮົາສະແດງຄວາມຮັກ ແລະ ຄວາມຮັບຜິດຊອບຕໍ່ທະເລ, ເກາະແຫ່ງສັກກະລະບູຊາຂອງປະເທດຊາດອີກດ້ວຍ. ທ່ານລັດຖະມົນຕີ ຮ່ວາງຕ໋ວນແອງ, ຊີ້ແຈ້ງວ່າ:
“ຂ້າພະເຈົ້າສະເໜີແຂວງແຄ໋ງຮ່ວາ ສືບຕໍ່ປະຕິບັດບັນດາມາດຕະການ, ໜ້າທີ່ລະອຽດທີ່ຖືກຍົກອອກໃນມະຕິຂອງລັດຖະບານກ່ຽວກັບບາງມາດຕະການເພື່ອຍູ້ແຮງການພັດທະນາການທ່ອງທ່ຽວຫວຽດນາມ ໃນໄລຍະໃໝ່ຢ່າງມີປະສິດທິຜົນ. ແຄ໋ງຮ່ວາ ສືບຕໍ່ປະຕິບັດຄຳສັ່ງຂອງນາຍົກລັດຖະມົນຕີກ່ຽວກັບການເພີ່ມທະວີຜົນສັກສິດໃນການຄຸ້ມຄອງລັດ, ສຸມໃສ່ແກ້ໄຂສິ່ງທີ່ຍັງອ່ອນດ້ອຍ, ຊຸກຍູ້ການພັດທະນາການທ່ອງທ່ຽວຢ່າງມີປະສິດທິຜົນ“.
Festival ທະເລຍາຈາງ - ແຄ໋ງຮ່ວາ 2015 ດຳເນີນແຕ່ວັນທີ 11-14/7 ຢູ່ນະຄອນຍາຈາງ, ດ້ວຍການເຄື່ອນໄຫວ 50 ກວ່າຢ່າງ, ເຊິ່ງລວມມີບັນດາພິທີງານບຸນ, ວັດທະນະທຳ, ກິລາ, ເສດຖະກິດ ແລະ ກອງປະຊຸມສຳມະນາວິທະຍາສາດ. ຄາດວ່າຈະມີນັກທ່ອງທ່ຽວປະມານ 150.000 ເທື່ອຄົນມາຢ້ຽມຢາມແຄ໋ງຮ່ວາໃນໂອກາດນີ້.
ເນື່ອງໃນໂອກາດນີ້ໄດ້ຈັດງານວາງສະແດງ “ຮວາງຊາ, ເຈື່ອງຊາ ຂອງຫວຽດນາມ - ບັນດາພະຍານຫຼັກຖານປະຫວັດສາດ ແລະ ນິຕິກຳ“ ແມ່ນໜຶ່ງໃນບັນດາການເຄື່ອນໄຫວໃນຂອບເຂດ Festival ທະເລຍາຈາງ - ແຄ໋ງຮ່ວາ 2015 ທີ່ດຳເນີນແຕ່ວັນທີ 11-14/7 ຢູ່ນະຄອນຍາຈາງ. ງານວາງສະແດງແນະນຳແຜນທີ່ເກືອບ 100 ແຜ່ນ ພ້ອມກັບເອກະສານ, ວັດຖຸພັນ, ສື່ສິ່ງພິມ ເຊິ່ງໄດ້ຮັບການປະກາດນັບແຕ່ກ່ອນມານິ້ຂອງບັນດານັກຄົ້ນຄ້ວາ, ນັກຮຽນຮູ້ພາຍໃນ ແລະ ສາກົນ, ເພື່ອຢືນຢັນອະທິປະໄຕຂອງຫວຽດນາມ ທີ່ມີຕໍ່ໝູ່ເກາະຮ່ວາງຊາ ແລະ ເຈື່ອງຊາ. ເນື່ອງໃນໂອກາດນີ້, ກະຊວງຖະແຫຼງຂ່າວ ແລະ ສື່ສານ ໄດ້ມອບໃຫ້ແຂວງແຄ໋ງຮ່ວາ ເອກະສານ, ວັດຖຸພັນທັງໝົດທີ່ງານວາງສະແດງ, ເພື່ອໃຫ້ທ້ອງຖີ່ນຈັດຕັ້ງງານວາງສະແດງຮັບໃຊ້ປະຊາຊົນ ແລະ ນັກທ່ອງທ່ຽວ.