(vovworld) – Festival ທະເລຍາຈາງ ປີ 2015, ຈະດຳເນີນໃນລະຫວ່າງວັນທີ 11-14/7. ຄາດວ່າ, ຈະມີນັກທ່ອງທ່ຽວພາຍໃນ ແລະ ສາກົນມາຢ້ຽມຊົມ ແຄ໋ງຮ່ວາ ປະມານ 150.000 ເທື່ອຄົນ ແລະ ເຂົ້າຮ່ວມບັນດາການເຄື່ອນໄຫວຂອງ Festival ຄັ້ງນີ້. ນີ້ແມ່ນຂ່າວຄາວຖືກຍົກອອກມາຈາກການປະຊຸມຂ່າວໃນວັນທີ 29/6 ຢູ່ນະຄອນ ຍາຈາງ ໂດຍຄະນະກຳມະການປະຊາຊົນແຂວງ ແຄ໋ງຮ່ວາ ຈັດຕັ້ງ. Festival ທະເລຍາຈາງ ປີ 2015 ລວມມີ 52 ລາຍການເຄື່ອນໄຫວໃນດ້ານວັດທະນະທຳ, ກິລາ, ການດຳລົງຊີວິດໃນປະຊາຄົມ…ຜ່ານນັ້ນແນະນຳ, ເຊີດຊູບັນດາຄຸນຄ່າວັດທະນະທຳທີ່ເປັນມູນເຊື້ອ, ບັນດາສິ່ງຍອດຍິ່ງຂອງເຂດທະເລ ແລະ ປະຊາຊົນແຂວງ ແຄ໋ງຮ່ວາ ເວົ້າສະເພາະ ແລະ ຫວຽດນາມ ເວົ້າລວມ. ໃນນັ້ນມີການເຄື່ອນໄຫວຫຼາຍຢ່າງມຸ່ງໄປສູ່ອະທິປະໄຕເຂດທະເລ, ໝູ່ເກາະຂອງປະເທດຊາດຄື: ງານວາງສະແດງແຜນທີ່ ແລະ ວາງສະແດງເອກະສານ “ຮ່ວາງຊາ-ເຈື່ອງຊາຂອງຫວຽດນາມ-ບັນດາພະຍານຫຼັກຖານປະຫວັດສາດ ແລະ ນິຕິທຳ”; ກອງປະຊຸມສຳມະນາວິທະຍາສາດ “ວັດທະນະທຳທະເລໝູ່ເກາະ-ແຫຼ່ງກຳລັງພັດທະນາແບບຍືນຍົງ ແລະ ສຶກສາອະທິປະໄຕເຂດທະເລ, ໝູ່ເກາະໃນໂຮງຮຽນ”.