ພາບປະກອບ

ວັນທີ 19 ທັນວາ, ກະຊວງການຄ້າ, ອຸດສາຫະກຳ ແລະ ພະລັງງານ ສເກົາຫລີ ໃຫ້ຮູ້ວ່າ: ນັບແຕ່ເມື່ອປະຕິບັດຂໍ້ຕົກລົງການຄ້າເສລີ (FTA) ໃນເດືອນທັນວາປີ 2015, ວົງເງິນແລກປ່ຽນການຄ້າສອງສົ້ນ ຫວຽດນາມ - ສເກົາຫລີ ເພີ່ມຂຶ້ນໃນ 3 ປີຢ່າງລຽນຕິດ, ນຳຫວຽດນາມ ກາຍເປັນຄູ່ຮ່ວມມືດ້ານການຄ້າໃຫຍ່ອັນດັບ 4 ຂອງ ສເກົາຫລີ.

ໃນໄລຍະຕົ້ນປີຮອດເດືອນພະຈິກຜ່ານມາ, ວົງເງິນການຄ້າສອງສົ້ນ ບັນລຸ 58,8 ຕື້ USD, ເພີ່ມຂຶ້ນ 43% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ ວົງເງິນສົ່ງອອກສິນຄ້າຂອງ ສເກົາຫລີ ໄປຍັງຫວຽດນາມ ບັນລຸ 43,7 ຕື້ USD. ຕາມກະຊວງການຄ້າ, ອຸດສາຫະກຳ ແລະ ພະລັງງານ ສເກົາຫລີແລ້ວ, ປະຈຸບັນ ມີກວ່າ 5000 ວິສາຫະກິດ ສເກົາຫລີ ພວມເຄື່ອນໄຫວຢູ່ຫວຽດນາມ, ໃນນັ້ນ ມີບັນດາກຸ່ມບໍລິສັດໃຫຍ່ຄື: Samsung, LG ແລະ ບໍລິສັດກົນຈັກ ແລະ ກໍ່ສ້າງ Doosan. ບັນດາບໍລິສັດນີ້ໄດ້ເລືອກເຟັ້ນຫວຽດນາມ ແມ່ນສະຖານທີ່ລົງທຶນ.