ທັນຍາຫານ (ພາບ: AFP/TTXVN)

ກຸ່ມ 7 ປະເທດອຸດສາຫະກຳ ພັດທະນາ (G7) ຈະຈັດກອງປະຊຸມຂັ້ນລັດຖະມົນຕີຢູ່ ເຢຍລະມັນໃນທ້າຍອາທິດໜ້າ ເພື່ອປຶກສາຫາລືກ່ຽວກັບສະພາບການຂາດສະບຽງອາຫານ ຢູ່ ພາກພື້ນ: ອາບຟຼິກກາ ໂດຍແມ່ນສະຖານທີ່ອີງໃສ່ການນຳເຂົ້າທັນຍາຫານຈາກ ຢູແກຼນ. ກອງປະຊຸມໄດ້ຮັບຖືວ່າຈະສ້າງພື້ນຖານໃຫ້ແກ່ການປຶກສາຫາລື ຢູ່ກອງປະຊຸມສຸດຍອດ G7 ທີ່ແກ່ຍາວເປັນເວລາ 3 ວັນ ຄາດວ່າຈະໄດ້ຈັດຂຶ້ນຢູ່ ເຢຍລະມັນໃນວັນທີ 26 ມິຖຸນາ. ໃນໂຄງການດຳເນີນງານຂອງກອງປະຊຸມສຸດຍອດຄັ້ງນີ້, ການວິກິດການດ້ານສະບຽງອາຫານກໍ່ແມ່ນໜຶ່ງໃນບັນດາບັນຫາຫຼັກ.

ທ່ານລັດຖະມົນຕີການຕ່າງປະເທດ ຍີ່ປຸ່ນ Yoshimasa Hayashi ພວມຊັ່ງຊາກ່ຽວກັບການເຂົ້າຮ່ວມປຶກສາຫາລືທາງໄກ ແລະ ຄາດວ່າຈະອະທິບາຍກ່ຽວກັບບັນດາມາດຕະການຂອງ ໂຕກຽວ ເພື່ອປະກອບສ່ວນເຂົ້າຄວາມມານະພະຍາຍາມລວມ ເພື່ອແກ້ໄຂວິກິດການດ້ານສະບຽງອາຫານໃນປັດຈຸບັນ ຜ່ານບັນດາກົນໄກຄື ໂຄງການສະບຽງອາຫານທົ່ວໂລກ. ຍີ່ປຸ່ນ ກໍ່ຈະຮຽກຮ້ອງໃຫ້ບັນດາຝ່າຍຫຼີກລ້ຽງບັນດາມາດຕະການຈຳກັດການສົ່ງອອກ, ເກັບແຮສະບຽງອາຫານເກີນລະດັບທີ່ຈຳເປັນ ແລະ ຊອກຫາວິທີການໜູນຊ່ວຍບັນດາປະເທດພວມພັດທະນາຊຸກຍູ້ການຜະລິດກະສິກຳ.