(vovworld) - ວັນທີ 11/04, ໃນຖະແຫຼງການຮ່ວມສິ້ນສຸດກອງປະຊຸມຢູ່ Lucca, ປະເທດອີຕາລີ, ລັດຖະມົນຕີການຕ່າງປະເທດກຸ່ມບັນດາປະເທດອຸດສາຫະກຳພັດທະນາແຖວໜ້າຂອງໂລກ (G7) ໄດ້ເຫັນດີນຳກັນຕໍ່ຫຼັກໝັັ້ນພ້ອມແລ້ວທີ່ຈະຮ່ວມມືຖືລັກສະນະສ້າງສັນກັບລັດເຊຍ ໃນບັ້ນຮົບຕ້ານກໍ່ການຮ້າຍ ແລະ ສົມທົບກັນແກ້ໄຂບັນດາວິກິດການໃນໂລກ, ກ່ອນອື່ນໝົດແມ່ນຢູ່ຊີຣີ. ຖະແຫຼງການຮ່ວມຊີ້ແຈ້ງທັດສະນະຂອງ G7 ໂດຍຖືວ່າ, ລັດເຊຍ ມີຄວາມສາມາດຊ່ວຍແກ້ໄຂ “ສະພາບສັບສົນ” ຢູ່ຊີຣີ, ບຸກໂຈມຕີຕີອົງການລັດອິດສະລາມ (IS) ເວົ້າສະເພາະ ແລະ ລັດທິກໍ່ການຮ້າຍສາກົນເວົ້າລວມ ໃຫ້ປະລາໄຊ. ບັນດາປະເທດ G7 ລ້ວນແຕ່ຖືວ່າ, ຖ້າບໍ່ມີການເຂົ້າຮ່ວມຂອງລັດເຊຍ, ຈະບໍ່ສາມາດແກ້ໄຂບັນດາບັນຫາສາກົນ ແລະ ພາກພື້ນທີີ່ຮີບດ່ວນໃນປະຈຸບັນໄດ້, ພ້ອມທັງສະແດງໃຫ້ເຫັນຄວາມເອົາໃຈໃສ່ສ້າງການພົວພັນຢ່າງຕັ້ງໜ້າກັບລັດເຊຍ.