ວັນທີ 2 ກຸມພາ, ອົງການພະລັງງານປະລະມານູສາກົນ (IAEA) ໄດ້ແຈ້ງໃຫ້ຊາບວ່າ ອີຣານ ເລີ່ມເສີມທາດຢູລານຽມ ດ້ວຍໜ່ວຍເຄື່ອງຈັກທີສອງ ເຊິ່ງລວມມີ ເຄື່ອງພົ້ນສູນ IR – 20 ທີ່ທັນສະໄໝທີ່ສຸດ ຢູ່ ສູນນິວເຄຼຍ Natanz, ອັນໄດ້ລະເມີດຂໍ້ຕົກລົງກັບບັນດາປະເທດມະຫາອຳນາດ. ອີຣານ ໄດ້ປະກາດກັບ ອົງການ IAEA ເມື່ອເດືອນ ທັນວາ ປີ 2020 ກ່ຽວກັບແຜນການຕິດຕັ້ງຕື່ມອີກ 3 ໜ່ວຍເຄື່ອງພົ້ນສູນ IR – 20 ແລະ ໜຶ່ງໃນ 3 ໜ່ວຍເຄື່ອງຈັກດັ່ງກ່າວຫາກໍ່ເລີ່ມເຄື່ອນໄຫວ. ຕາມບົດລາຍງານຂອງອົງການ IAEA ໃຫ້ຮູ້ວ່າ ອົງການນີ້ ກໍໄດ້ຢັ້ງຢືນການຕິດຕັ້ງໜ່ວຍເຄື່ອງຈັກ ທີ 2 ໃນຈຳນວນ 3 ໜ່ວຍເຄື່ອງຈັກດັ່ງກ່າວໃກ້ຈະສຳເລັດ ແລະ ການຕິດຕັ້ງໜ່ວຍເຄື່ອງຈັກທີ 3 ກໍເລີ່ມດຳເນີນແລ້ວ.