IAEA ໃຫ້ສັດຕະຍາບັນແຕ່ງຕັ້ງ ຜູ້ອຳນວຍການໃຫຍ່ຄົນໃໝ່ຢ່າງເປັນທາງການ
(VOVWORLD) -ວັນທີ 2 ທັນວາ, ອົງການພະລັງງານປະລະມານູສາກົນ ໄດ້ຮັບຮອງເອົາຂໍ້ຕົກລົງແຕ່ງຕັ້ງທ່ານ Rafael Mariano Grossi, ຊາວອັກຊັງຕິນ, ເປັນຜູ້ອຳນວຍການໃຫຍ່ຄົນໃໝ່ຂອງອົງການນີ້.
 ທ່ານ Rafael Mariano Grossi ກ່າວຄຳເຫັນທີ່ກອງປະຊຸມ IAEA ໃນວັນທີ 2 ທັນວາ (ພາບ: TTXVN) |
ທ່ານ Grossi, ອາຍຸ 58 ປີ, ຈະດຳລົງຕຳແໜ່ງດັ່ງກ່າວດ້ວຍອາຍຸການ 4 ປີ ເລີ່ມແຕ່ວັນທີ 3 ທັນວາ, ແທນທ່ານ Yukiya Amano, ຜູ້ທີ່ຮັກສາຕຳແໜ່ງນີ້ແຕ່ປີ 2009 ແລະ ຫາກໍ່ເສຍຊີວິດໃນເດືອນ ກໍລະກົດ ປີນີ້ກ່ອນທີ່ຈະສິ້ນສຸດອາຍຸການທີ 3 ຂອງຕົນ. ວັນທີ 31 ຕຸລາທີ່ຜ່ານມາ, ຄະນະອຳນວຍການ IAEA ໄດ້ເລືອກເອົາທ່ານ Grossi ເປັນຜູ້ນຳຂອງ ລະບອບຫຼາຍຝ່າຍນີ້. ທ່ານ Grossi ເປັນນັກການທູດ ທີ່ເຮັດວຽກກ່ຽວກັບຂົງເຂດຫຼຸດຜ່ອນອາວຸດ ແລະ ບໍ່ເຜີຍແຜ່ອາວຸດນິວເຄຼຍມາເປັນເວລາ 35 ປີ.