(vovworld) - ມະຕິຢຸດຕິການສືບສວນອາວຸດນິວເຄຼຍສຳລັບອີຣານ ທີ່ແກ່ຍາວເປັນເວລາ 1 ທົດສະວັດກ່ຽວກັບບັນດາແງ່ມູມດ້ານການທະຫານໃນໂຄງການນິວເຄຼຍຂອງອີຣານ ໄດ້ຮັບການຮັບຮອງເອົາຈາກອົງການພະລັງງານປະລະມານູສາກົນ (IAEA) ໃນວັນທີ 15/12, ພາຍຫຼັງໄດ້ຮັບບົດລາຍງານຢັ້ຢືນວ່າ: ບໍ່ຊອກເຫັນພະຍານຫຼັກຖານກ່ຽວກັບເລື່ອງອີຣານ ພັດທະນາອາວຸດນິວເຄຼຍ ພາຍຫຼັງປີ 2009. ການກະທຳນີ້ໄດ້ຮັບຖືວ່າ ຈະເປີດຊ່ອງທາງໃຫ້ແກ່ການປະຕິບັດຂໍ້ຕົກລົງນິວເຄຼຍປະຫວັດສາດ ທີ່ບັນລຸໄດ້ເມື່ອເດືອນ 07 ຜ່ານມາ ລະຫວ່າງອີຣານ ແລະ ກຸ່ມ P5+1 (ເຊິ່ງລວມມີ: ອາເມລິກາ, ລັດເຊຍ, ຈີນ, ຝລັ່ງ, ອັງກິດ ພ້ອມກັບ ເຢຍລະມັນ).