(vovworld) - ຕອນບ່າຍວັນທີ 27/11, ຢູ່ສຳນັກງານກອງທຶນພັດທະນາກະສິກຳສາກົນ (IFAD) ທີ່ນະຄອນຫຼວງ Roma, ປະເທດອີຕາລີ, ໄດ້ດຳເນີນພິທີລົງນາມໃນສັນຍາອຸປະຖຳທີ່ມີມູນຄ່າ 33 ລ້ານ USD ຂອງ IFAD ໃຫ້ແກ່ຫວຽດນາມ ເພື່ອແນໃສ່ປະຕິບັດໂຄງການ “ພັດທະນາຊົນນະບົດຢ່າງໝັ້ນຄົງເພື່ອຄົນທຸກຍາກຢູ່ 2 ແຂວງ ຮ່າຕິ້ງ ແລະ ກວາງບິ່ງ”. ກ່າວຄຳເຫັນທີ່ພິທີລົງນາມ, ທ່ານປະທານ IFAD Kanayo F. Nwanze ຢືນຢັນວ່າ ຫວຽດນາມ ແມ່ນຕົວຢ່າງດີເດັ່ນໃນຂົງເຂດນີ້, ສະນັ້ນບ້ວງເງິນອຸປະຖຳຂອງ IFAD ສະຫງວນໃຫ້ແກ່ຫວຽດນາມ ແມ່ນເພື່ອແນໃສ່ຊ່ວຍໃຫ້ບັນດາຄອບຄົວຊາວກະສິກອນທຸກຍາກພັດທະນາ ແລະ ຍົກສູງຄວາມສາມາດຮັບມືກັບວິກິດການ ແລະ ການປ່ຽນແປງຂອງດິນຟ້າອາກາດ. ທ່ານເອກອັກຄະລັດຖະທູດຫວຽດນາມ ປະຈຳອີຕາລີ ຫງວຽນຮ່ວາງລອງ ຢືນຢັນວ່າ, ໃນໄລຍະຈະມາເຖິງລັດຖະບານຫວຽດນາມ ຈະສືບຕໍ່ປະຕິບັດ ແລະ ຍູ້ແຮງວຽກງານລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ພ້ອມທັງສະແດງຄວາມຫວັງວ່າ ການຮ່ວມມືລະຫວ່າງ IFAD ແລະ ຫວຽດນາມ ຈະສືບຕໍ່ໄດ້ຮັບການເພີ່ມທະວີໃນໄລຍະຈະມາເຖິງ. ທ່ານເອກອັກຄະລັດຖະທູດຢືນຢັນວ່າ ຫວຽດນາມ ໃຫ້ຄຳໝັ້ນສັນຍາຈະນຳໃຊ້ບັນດາແຫຼ່ງເງິນອຸປະຖຳຂອງ IFAD ເວົ້າສະເພາະ ກໍ່ຄືຂອງບັນດາອົງການສາກົນເວົ້າລວມ ຢ່າງມີປະສິດທິຜົນ.