ທ່ານ Kanayo F. Nwanze ແລະ ທ່ານ ກາວຈິ໋ງທ້ຽນ
(ພາບ: vietnam+)
(vovworld) - ບັນດາຜົນງານຂອງຫວຽດນາມ ໃນການພັດທະນາກະສິກຳ, ການລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ ແມ່ນແບບຢ່າງໃຫ້ຫຼາຍປະເທດພວມພັດທະນາ, ພິເສດແມ່ນໃນເຂດອາຟະລິກາ. ນີ້ແມ່ນການຕີລາຄາຂອງທ່ານປະທານກອງທຶນພັດທະນາກະສິກຳສາກົນ (IFAD), ທ່ານ Kanayo F. Nwanze ໃນໂອກາດທີ່ທ່ານເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ຫວຽດນາມ ປະຈຳ ອີຕາລີ ກາວຈິ໋ງທ້ຽນ ຍື່ນສານຕາຕັ້ງ ເພື່ອຮັບດຳລົງຕຳແໜ່ງເປັນຜູ້ຕາງໜ້າຂອງ ຫວຽດນາມປະຈຳ IFAD. ທ່ານ ທ່ານ Kanayo F. Nwanze ສະແດງຄວາມປະທັບໃຈພິເສດຕໍ່ການພັດທະນາຂອງຫວຽດນາມໃນທົດສະວັດຜ່ານມາ.
ສ່ວນທ່ານ ກາວຈິ໋ງທ້ຽນ ກໍ່ແຈ້ງບັນດາຜົນງານໃນຂົງເຂດພັດທະນາກະສິກຳ, ການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກຂອງຫວຽດນາມ, ພ້ອມທັງຢືນຢັນຈະເຮັດຈົນສຸດຄວາມສາມາດຂອງຕົນເພື່ອຊຸກຍູ້ການພົວພັນລະຫວ່າງຫວຽດນາມ - IFAD ໃນໄລຍະທີ່ທ່ານປະຕິບັດໜ້າທີ່ການທູດ. ພິເສດແມ່ນການເຊື່ອມຕໍໍ່ຕະຫຼາດຜະລິດຕະພັນກະເສດລະຫວ່າງບັນດາປະເທດອາຊຽນນຳກັນ.