ILO ຊົມເຊີຍຫວຽດນາມ ໄດ້ໃຫ້ສັດຕະຍາບັນສົນທິສັນຍາພື້ນຖານຂອງ ILO ກ່ຽວກັບການເຈລະຈາລວມໝູ່ (ສົນທິສັນຍາເລກທີ 98)
(VOVWORLD) -ວັນທີ 14 ມິຖຸນາ, ອົງການແຮງງານສາກົນ (ILO) ໄດ້ຊົມເຊີຍຫວຽດນາມ ທີ່ມີການຕັດສິນໃຈສຳຄັນ ໃຫ້ສັດຕະຍາບັນ 1 ໃນບັນດາສົນທິສັນຍາພື້ນຖານຂອງ ILO ເພື່ອໃສ່ຊຸກຍູ້ການເຈລະຈາລວມໝູ່. ການຕັດສິນໃຈຮັບຮອງເອົາສົນທີສັນຍາເລກທີ 98 ໂດຍສະມາຊິກສະພາແຫ່ງຊາດຫວຽດນາມ ທັງໝົດ 452 ທ່ານ ໄດ້ປ່ອນບັດເຫັນດີໃນວາລະປະຊຸມເມື່ອຕອນເຊົ້າວັນທີ 14 ມິຖຸນາຂອງກອງປະຊຸມສະໄໝສາມັນເທື່ອທີ 7 ສະພາແຫ່ງຊາດຫວຽດນາມ ຊຸດທີ 14.
 ພາບປະກອບ |
ທ່ານ Chang-Hee Lee ຜູ້ອຳນວຍການ ILO ຫວຽດນາມ ຖືວ່າ: ການໃຫ້ສັດຕະຍາບັນສົນທິສັນຍາເລກທີ 98 ຈະຍູ້ແຮງການເຈລະຈາລວມໝູ່ແທດຈິງກ່ວາອີກ ເພື່ອມີບັນດາມາດຕະການທີ່ນຳມາເຊິ່ງຜົນປະໂຫຍດໃຫ້ທຸກໆຝ່າຍຢູ່ບ່ອນເຮັດວຽກ. ສິ່ງດັ່ງກ່າວອາດຈະພາໄປເຖິງເງື່ອນໄຂເຮັດວຽກທີ່ດີກ່ວາ, ສະມັດຕະພາບການອອກແຮງງານສູງກ່ວາ ແລະ ຄວາມຮຸ່ງເຮືອງສີວິໄລຈະຖືກແບ່ງໂດຍສະເໝີພາບ, ປະກອບສ່ວນນຳມາເຊິ່ງການພັດທະນາແບບຍືນຍົງ.