IMF ຄາດຄະເນການເຕີບໂຕເສດຖະກິດໂລກ ຈະຊຸດໂຊມໃນປີນີ້
(VOVWORLD) -ການເຕີບໂຕເສດຖະກິດທົ່ວໂລກ ຈະຊຸດໂຊມ, ຢູ່ລະດັບ 2,7% ໃນປີ 2023, ແລ້ວຟື້ນຕົວໃນປີ 2024.
ນີ້ແມ່ນຂໍ້ສັງເກດຂອງທ່ານນາງຜູ້ອຳນວຍການໃຫຍ່ ກອງທຶນເງິນຕາສາກົນ (IMF) Kristalina Georgieva ຍົກອອກມາໃນເວທີປາໄສເສດຖະກິດໂລກ (WEF) ປີ 2023 ເຊິ່ງພວມດຳເນີນຢູ່ນະຄອນ Davos (ປະເທດສະວິດ).
 ທ່ານນາງຜູ້ອຳນວຍການໃຫຍ່ ກອງທຶນເງິນຕາສາກົນ (IMF) Kristalina Georgieva (ພາບ: TTXVN) |
ທ່ານນາງຜູ້ອຳນວຍການໃຫຍ່ IMF ກໍໄດ້ຍົກອອກສິ່ງທ້າທາຍໃຫຍ່ 3 ປະການ ສຳລັບເສດຖະກິດໂລກ, ລວມມີ: ການປະທະກັນລະຫວ່າງ ລັດເຊຍ - ຢູແກຼນ, ວິກິດການກ່ຽວກັບຄ່າໃຊ້ຈ່າຍ; ອັດຕາດອກເບ້ຍສູງຢູ່ໃນລະດັບບໍ່ເຄີຍມີມາກ່ອນໃນຫຼາຍທົດສະວັດ. ຕາມນັ້ນແລ້ວ, ໂລກ ຕ້ອງມີການດັດປັບ ເພື່ອຮັບປະກັນແຫຼ່ງສະໜອງແບບ “ອັດສະລິຍະ”.
ກ່ຽວກັບຄວາມອາດສາມາດຂອງບັນດາທະນາຄານສູນກາງ ຫຼຸດອັດຕາດອກເບ້ຍນັ້ນ, ທ່ານນາງ Georgieva ຖືວ່າ ຍັງບໍ່ທັນຮອດຈຸດເວລານັ້ນເທື່ອ ເພາະວ່າ ອັດຕາເງິນເຟີ້ກຳລັງຫຼຸດລົງ ແຕ່ຍັງຢູ່ໃນລະດັບສູງຢູ່.