ໃນຊຸມວັນທີ່ຜ່ານມາ, ດັດຊະນີຕະຫຼາດຫຼັກຊັບ ອາເມລິກາ ມີການຫຼຸດລົງຢ່າງລຽນຕິດ (ພາບ: Reuters)

ເຖິງວ່າ ຈະຄາດຄະເນກ່ຽວກັບສະພາບການຊຸດໂຊມທົ່ວໂລກໃນປີ 2020 ກໍ່ຕາມ, ແຕ່ IMF ກໍ່ຖືວ່າ ພື້ນຖານເສດຖະກິດໂລກ ຈະຟື້ນຟູໃນປີ 2021. ທ່ານ Kristalina Georgieva ຜູ້ອຳນວຍການຝ່າຍບໍລິຫານ IMF ໄດ້ສະແດງຄວາມຊົມເຊີຍຕໍ່ບັນດາມາດຕະການງົບປະມານຢ່າງແຮງຂອງບັນດາປະເທດເພື່ອແນໃສ່ຊຸກຍູ້ລະບົບສາທາລະນະສຸກ ແລະ ປົກປ້ອງບັນດາບໍລິສັດ ແລະ ຜູ້ອອກແຮງງານ ທີ່ຖືກຜົນສະທ້ອນຈາກ ໂລກລະບາດ Covid – 19.

ໃນຂະນະນັ້ນ, ທ່ານ David Malpass ປະທານທະນາຄານໂລກ (WB) ໃຫ້ຮູ້ວ່າ ອົງການນີ້ອາດຈະຜັນຂະຫຍາຍເງິນ 150 ຕື້ USD ພາຍໃນຮອບເວລາ 15 ເດືອນຈະມາເຖິງເພື່ອແນໃສ່ຊ່ວຍໃຫ້ບັນດາປະເທດພັດທະນາຮັບມື ແລະ ຟື້ນຟູຈາກ ຜົນກະທົບຂອງ ໂລກລະບາດ Covid – 19. ປັດຈຸບັນ, ທະນາຄານໂລກພວມກະກຽມໂຄງການຢູ່ 49 ປະເທດເພື່ອແນໃສ່ຮັບມືກັບໂລກລະບາດ Covid – 19 ແລະ ຈະຕັດສິນ 16 ໂຄງການ ໃນຈຳນວນບັນດາໂຄງການນີ້ໂດຍໄວ.

ຟ້າມຮວນ, ນັກຂ່າວ VOV ປະຈຳ ອາເມລິກາ