ປະຊາຊົນໃສ່ຜ້າອັດປາກເພື່ອປ້ອງກັນໂລກລະບາດໂຄວິດ-19 ຢູ່ອີຢີບ (ພາບ: THX/TTXVN)

   ສື່ມວນຊົນອີຢີບ ໄດ້ຄັດສະເໜີຄຳປະກາດຂອງ IMF ໂດຍຊີ້ແຈ້ງວ່າ, ຕາມຄຳຮຽກຮ້ອງຂອງວົງການເຈົ້າໜ້າທີ່ອີຢີບ, ຄະນະຜູ້ແທນ IMF ໄດ້ຈັດການປະຊຸມທາງອອນລາຍແຕ່ວັນທີ 19 ພຶດສະພາ ຫາວັນທີ 5 ມິຖຸນາ ເພື່ອແນໃສ່ປຶກສາຫາລືກ່ຽວກັບມາດຕະການໜູນຊ່ວຍດ້ານການເງິນ ໃຫ້ແກ່ບັນດາແຜນການນະໂຍບາຍຂອງປະເທດອາຟຣິກກາເໜືອນີ້, ມຸ່ງໄປເຖິງການຮັກສາເສດຖະກິດມະຫາພາກໃຫ້ເປັນປົກກະຕິ ແລະ ຟື້ນຟູພື້ນຖານເສດຖະກິດຢ່າງແຮງ. ສີ້ນສຸດກອງປະຊຸມ, ຝ່າຍ IMF ຢືນຢັນວ່າ ໄດ້ບັນລຸຂໍ້ຕົກລົງຂັ້ນວິຊາການອີຢີບ ກ່ຽວຂ້ອງເຖິງບັນດານະໂຍບາຍເສດຖະກິດຂອງ Cairo.

   ຕາມນັ້ນແລ້ວ, IMF ສາມາດໜູນຊ່ວຍບ້ວງເງິນທີ່ມີມູນຄ່າ 5,2 ຕື້ USD ນອນໃນຂໍ້ຕົກລົງສິນເຊື່ອສຳຮອງ (SBA) ຂອງ IMF ເພື່ອຊ່ວຍວົງການເຈົ້າໜ້າທີ່ອີຢີບ ມານະພະຍາຍາມຮັກສາເສດຖະກິດໃຫ້ເປັນປົກກະຕິ ໃນສະພາບການໂລກລະບາດໂຄວິດ-19 ພວມແຜ່ລະບາດ ກໍ່ຄືຮັກສາບັນດາຜົນງານໃນການປະຕິຮູບໂຄງປະກອບ ຊື່ງ Cairo ບັນລຸໄດ້ໃນຕະຫຼອດ 3 ປີທີ່ຜ່ານມາ.