(vovworld) - ອົງການ “ລັດອິດສະລາມ” (IS) ອ້າງຊື່ເອງ ຍອມຮັບວ່າໄດ້ດຳເນີນເຫດວາງລະເບີດສະຫຼະຊີບໃນວັນທີ 18/12, ຢູ່ນະຄອນ Aden, Yemen. ໃນຖະແຫຼງການໜຶ່ງຂອງ IS ໃຫ້ຮູ້ວ່າ, ເຫດບຸກໂຈມຕີດ້ວຍການວາງລະເບີດສະຫຼະຊີບໂດຍແມ່ນ Abu Hashem Al Radfani ປະຕິບັດ. ກ່ອນໜ້ານັ້ນ, ວົງການເຈົ້າໜ້າທີ່ດ້ານການທະຫານ Yemen ໃຫ້ຮູ້ວ່າ, ຜູ້ວາງລະເບີດສະຫຼະຊີບໄດ້ເຮັດໃຫ້ລະເບີດແຕກຢູ່ໃຈກາງພົນທະຫານພວມຢືນລໍຖ້າຮັບເງິນເດືອນ ຢູ່ນອກຖານທີ່ໝັ້ນການທະຫານຢູ່ Aden ເປັນຈຳນວນຫຼວງຫຼາຍ.
ຈຳນວນພົນທະຫານຖືກເສຍຊີວິດໃນເຫດບຸກໂຈມຕີດັ່ງກ່າວແມ່ນ 49 ຄົນ ແລະ ຜູ້ອື່ນນັບສິບຄົນຖືກຮັບບາດເຈັບ.