(vovworld) – ບັນດາບຸກຄົນປະກອບອາວຸດ ຂຶ້ນກັບກຳລັງຫົວຮຸນແຮງ “ລັດອິດສະລາມ” (IS) ຂະໜານນາມເອງໄດ້ປະຫານຊີວິດສະມາຊິກຂອງກົກເຫຼົ່າ Albu Nimr ຢູ່ແຂວງ Anbar, ທາງທິດຕາເວັນຕົກອີຣັກ 67 ຄົນ. ນີ້ແມ່ນເຫດການຄາດຕະກຳຫຼ້າສຸດຂອງ IS ຢູ່ແຂວງນີ້. ເຫດການປະຫານຊີວິດໄດ້ດຳເນີນໃນວັນທີ 2/11 ເມື່ອທະຫານກະບົດ IS ຈັບຕົວບັນດາຄອບຄົວຂອງກົກເຫຼົ່າ Albu Nimr ຢູ່ເຂດຊົນນະບົດພາຍຫຼັງເຂົາເຈົ້າພວມ ເດີນທາງອອກຈາກບ້ານ Al Thathar ໃກ້ກັບເທດສະບານ Al Baghdadi, ຫ່າງຈາກນະຄອນຫຼວງ ແບດແດດ 200 ກມ ໄປທາງທິດຕາເວັນຕົກສ່ຽງເໜືອ. IS ປະຫານຊີວິດບັນດາຜູ້ນີ້ຍ້ອນຖືວ່າເຂົາເຈົ້າເຂົ້າຮ່ວມກຸ່ມທະຫານລາດ Sahwa ທີ່ໄດ້ຮັບການສະໜັບສະໜູນຈາກລັດຖະບານ ອີຣັກ.