ນຳໃຊ້ກົນຈັກເຂົ້າໃນການຜະລິດເຂົ້າຢູ່ເຂດທົ່ງພຽງແມ່ນ້ຳຂອງ
(vovworld)- ດ້ວຍເນື້ອທີ່ດິນກວ່າ 1,8 ລ້ານເຮັກຕາ ພ້ອມກັບການຜະລິດເຂົ້າ 2 -3 ລະດູການ/ປີ, ເຂດທົ່ງພຽງແມ່ນ້ຳຂອງພາກໃຕ້ຫວຽດນາມ ແມ່ນອູ່ເຂົ້າຂອງທົ່ວປະເທດດ້ວຍສະມັດຕະພາບນັບມື້ນັບເພີ່ມຂຶ້ນ. ໃນໄລຍະ 10 ປີຜ່ານມາ, ເຂດທົ່ງພຽງແມ່ນ້ຳຂອງມີບາດກ້າວພັດທະນາດີພໍສົມຄວນໃນການນຳໃຊ້ກົນຈັກເຂົ້າໃນການຜະລິດເຂົ້າ, ແຕ່ຍັງບໍ່ທັນຕອບສະຫນອງຄວາມຕ້ອງການ, ການພັດທະນາຢ່າຮອບດ້ານໄດ້. ຕໍ່ຫນ້າຄວາມຫຍຸ້ງຍາກດັ່ງກ່າວ, ບັນຫານຳໃຊ້ກົນຈັກເຂົ້າໃນການຜະລິດເຂົ້າພວມແມ່ນຈຸດໝາຍຈຳເປັນທີ່ສຸດ ດ້ວຍການກຳນົດທິດຢ່າງຈະແຈ້ງສຳລັບເຂດປູກເຂົ້ານາທາມທີ່ຍັງມີຄວາມສາມາດບົ່ມຊ້ອນຫລາຍຢ່າງ. ໃນລາຍການເສດຖະກິດພາກນີ້, ເຊີນທ່ານຮັບຟັງບົດຂຽນຂອງນັກຂ່າວ ບີກຮ່ວຽນ ທີ່ພາດຫົວເລື່ອງວ່າ: ນຳໃຊ້ກົນຈັກເຂົ້າໃນການຜະລິດເຂົ້າຢູ່ເຂດທົ່ງພຽງແມ່ນ້ຳຂອງ
ໃນໄລຍະ 10 ປີແຫ່ງການນຳໃຊ້ກົນຈັກເຂົ້າໃນການຜະລິດເຂົ້າຢູ່ເຂດທົ່ງພຽງແມ່ນ້ຳຂອງ ໄດ້ປະກອບສ່ວນເພີ່ມສະມັດຕະພາບຜະລິດເຂົ້າຂອງເຂດນີ້ຈາກ 4,3 ລ້ານໂຕນ/ເຮັກຕາເມື່ອປີ 2001 ຂຶ້ນເຖິງ 5,7 ລ້ານໂຕນ/ເຮັກຕາໃນປີ 2012, ປະສິດທິພາບກໍ່ເພີ່ມຂຶ້ນແຕ່ 16 – 24,5 ລ້ານໂຕນ. ກົນຈັກໄດ້ຮັບການໝູນໃຊ້ໃນຫລາຍຂອດ ໄດ້ປະກອບສ່ວນຫລຸດຜ່ອນລາຍຈ່າຍ ແລະ ເຮັດໃຫ້ມູນຄ່າຂອງຂະແຫນງຜະລິດເຂົ້າເພີ່ມຂຶ້ນ. ພິເສດ ເມື່ອນຳໃຊ້ກົນຈັກໃນການເກັບກ່ຽວ ແມ່ນຫລຸດຜ່ອນ 50% ລາຍຈ່າຍເມື່ອທຽບໃສ່ການເກັບກ່ຽວບໍ່ໃຊ້ກົນຈັກ. ພົ້ນເດັ່ນໃນການນຳໃຊ້ກົນຈັກເຂົ້າໃນການຜະລິດເຂົ້າ ຕ້ອງເວົ້າເຖິງແຂວງ ລອງອານ, ຊຶ່ງແມ່ນຫນຶ່ງໃນຈຳນວນ 4 ແຂວງ ມີເນື້ອທີ່ປູກເຂົ້າຫລາຍກວ່າໝູ່ ດ້ວຍ 260.000 ເຮັກຕາ, ແຕ່ລະປີໄດ້ປະກອບສ່ວນໃຫ້ແກ່ເຂດນີ້ກວ່າ 2,6 ລ້ານໂຕນ. ປະຈຸບັນ ແຂວງ ລອງອານແມ່ນແຂວງຫນຶ່ງທີ່ນຳໃຊ້ກົນຈັກເຂົ້າໃນຂອດເກັບກ່ຽວຫລາຍກວ່າໝູ່ຢູ່ເຂດນີ້ ດ້ວຍອັດຕາສ່ວນບັນລຸ 95% ແລະ ປະຕິບັດຫລາຍນະໂຍບາຍຊຸກຍູ້ການນຳໃຊ້ກົນຈັກໃນການປູກເຂົ້າ, ປະກອບສ່ວນເພີ່ມສະມັດຕະພາບການອອກແຮງງານ, ຫລຸດຜ່ອນລາຍຈ່າຍການຜະລິດ, ປົວແປງຊີວິດການເປັນຢູ່ຂອງຊາວກະສິກອນດີພໍສົມຄວນ. ທ່ານ ຫງວຽນແທນຕຸ່ງ, ຫົວຫນ້າສູນສົ່ງເສີມກະສິກຳແຂວງ ລອງອານ ໃຫ້ຮູ້ວ່າ:
“ ພວກຂ້າພະເຈົ້າພວມໝູນໃຊ້ກົນຈັກເຕັກໂນໂລຊີສູງ, ພິເສດແມ່ນອຸປະກອນບຸກເບີກຫນ້າດິນດ້ວຍ laser. ຊາວກະສິກອນຈະຫລຸດຜ່ອນແນວພັນເຂົ້າ, ຝຸ່ນເຄມີ, ຢາປາບສັດຕູພືດ ແລະ ປະຕິບັດບັນດາຂັ້ນຕອນຜົນລະປູກເປັນຢ່າງດີກວ່າ. ເວລານັ້ນ ທາງແຂວງຈະນຳໃຊ້ຈັກດຳນາເພື່ອຫລຸດຜ່ອນລາຍຈ່າຍແຮງງານ. ເພື່ອຊຸກຍູ້ການນຳໃຊ້ກົນຈັກໃນການປູກເຂົ້າ ຕ້ອງຫນູນຊ່ວຍທຶນຮອນໃຫ້ແກ່ຊາວກະສິກອນ. ບັນດາສະຖາບັນ, ໂຮງຮຽນ ຄວນສືບຕໍ່ຄົ້ນຄ້ວາເພື່ອເຮັດແນວໃດໃຫ້ກົນຈັກນຳເຂົ້າຈາກຕ່າງປະເທດເໝາະສົມກັບທົ່ງນາຢູ່ຫວຽດນາມ, ພິເສດ ແມ່ນເຂດທົ່ງພຽງແມ່ນ້ຳຂອງ.”
ອ້າຍ ຫວໍວັນເຈີດ, ຊາວກະສິກອນ ຢູ່ບ້ານ 5 ຕາແສງ ເຕີນແທ່ງ, ເມືອງເຕີນແທ້ງ, ແຂວງ ລອງອານ ຊື່ງແມ່ນຜູ້ເຂົ້າຮ່ວມການ….ແນວພັນເຂົ້າໃຫ້ແກ່ສູນສົ່ງເສີມກະສິກຳແຂວງ ລອງອານ ມາເປັນເວລາ 10 ປີ ດ້ວຍເນື້ອທີ່ 1 ເຮັກຕາ, ສະມັດຕະພາບສະເລ່ຍ 8 ໂຕນ/ເຮັກຕາ. ປີ 2003, ອ້າຍເຈີດພ້ອມດ້ວຍ 7 ຄອບຄົວອື່ນ