(vovworld) - ລັດຖະບານ Mali ໄດ້ປະກາດສະພາວະສຸກເສີນເລີ່ມແຕ່ຕອນຄຳ່ວັນທີ 11/1. ກ່າວຄຳເຫັນໃນຊ່ອງໂທລະພາບພາຍຫຼັງກອງປະຊຸມຂອງຄະນະລັດຖະບານ, ທ່ານປະທານາທິບໍດີ Mali Dioncounda Traode ໃຫ້ຮູ້ວ່າ: ສະພາວະສຸກເສີນໄດ້ຮັບການປະກາດໃນຂອບເຂດທົ່ວປະເທດ, ພາຍຫຼັງຄວາມເຄັ່ງຕຶງຢູ່ພາກເໜືອ. ບັນດາແຫຼງຂ່າວການທະຫານ ແລະ ການເມືອງຂອງ Mali ໃຫ້ຮູ້ວ່າ: ວັນທີ 11/1, ໂດຍໄດ້ຮັບການໜູນຊ່ວຍຂອງກຳລັງຕ່າງປະເທດ, ກອງທັບ Mali ໄດ້ເປີດການບຸກໂຈມຕີເລັ່ງໃສ່ທະຫານແຕກທັບ ອິດສະລາມ ໃນຄວາມມານະພະຍາຍາມສະກັດກັ້ນການບຸກໂຈມຕີຂອງກຳລັງປະກອບອາວຸດນີ້. ຕາມແຫຼ່ງຂ່າວດັ່ງກ່າວ, ຈຸດປະສົງຂອງການຕ່າວໂຈມຕີ ແມ່ນຍາດສິດຄວບຄຸມເທດສະບານ Konna ກາງ ຄືນໃໝ່ ແລະ ຈາກນັ້ນຈະຍາດເອົາເທດສະບານອື່ນເຊິ່ງຖືກທະຫານແຕກທັບ ອິດສະລາມ ຢືດຄອງ. ກ່ອນໜ້ານັ້ນ, ໃນວັນທີ 11/1, ຝຣັ່ງ ໄດ້ດຳເນີນບັ້ນບຸກໂຈມຕີທາງອາກາດ ເພື່ອແນໃສ່ໜູນຊ່ວຍລັດຖະບານ Mali ຮັບມືກັບການບຸກໂຈມຕີຂອງທະຫານແຕກທັບ ອິດສະລາມ.
Mali ເຄີຍເປັນໜຶ່ງໃນບັນດາປະເທດທີ່ມີຄວາມສະຖຽນລະພາບຢູ່ ອາບຟຣີກາ. ແຕ່ວ່າ, ໃນຊຸມປີມໍ່ໆມານີ້, ປະເທດ ອາບຟຣີກາ ຕາເວັນຕົກນີ້ໄດ້ຕົກເຂົ້າສູ່ສະພາບວຸ້ນວາຍພາຍຫຼັງເກີດເຫດລັດຖະປະຫານການດ້ານທະຫານ ເມື່ອເດືອນ 3/2012.