NATO ຈະເພີ່ມທະວີການມີໜ້າທາງການທະຫານຢູ່ ເອີຣົບຕາເວັນອອກ
(VOVWORLD) - ທ່ານ Jens Stoltenberg ເລຂາທິການໃຫຍ່ ອົງການສົນທິສັນຍາ ອັດລັງຕິກເໜືອ (NATO) ຖະແຫຼງວ່າ NATO ຈະເພີ່ມທະວີການມີໜ້າທາງການທະຫານຢູ່ ເອີຣົບຕາເວັນອອກ ໃນສະພາບທີ່ເກີດການປະທະກັນລະຫວ່າງ ລັດເຊຍ - ຢູແກຼນ.
 ກອງປະຊຸມວິສາມັນລັດຖະມົນຕີປ້ອງກັນປະເທດ NATO ໃນວັນທີ 16 ມີນາ ຢູ່ ບຣຸກແຊນ (ພາບ: AFP/TTXVN) |
ຖະແຫຼງການຂອງຜູ້ນຳໜ້າອົງການ NATO ໄດ້ຍົກອອກມາໃນກອງປະຊຸມວິສາມັນລັດຖະມົນຕີປ້ອງກັນປະເທດ NATO ໃນວັນທີ 16 ມີນາ ຢູ່ ບຣຸກແຊນ. ທ່ານ Jens Stoltenberg ໃຫ້ຮູ້ວ່າ ຂໍ້ສະເໜີການທະຫານດັ່ງກ່າວ ຈະໄດ້ຍື່ນສະເໜີໃນຮອບເວລາ 2 – 3 ອາທິດ ຈະມາເຖິງ ເພື່ອໃຫ້ການນຳປະເທດສຳພັນທະມິດຮັບຮອງເອົາໃນກອງປະຊຸມສຸດຍອດ ເຊິ່ງຄາດວ່າຈະດຳເນີນໃນເດືອນ ມິຖຸນາ ຢູ່ ມາຣິດ (ປະເທດ ແອັດສະປາຍ).
ກ່າວຄຳເຫັນຕໍ່ວົງການນັກຂ່າວ ພາຍຫຼັງສິ້ນສຸດກອງປະຊຸມວິສາມັນລັດຖະມົນຕີກະຊວງປ້ອງກັນປະເທດ NATO, ທ່ານ Stoltenberg ເນັ້ນໜັກວ່າ NATO ຈະເພີ່ມທະວີການມີໜ້າທາງການທະຫານຢູ່ ເອີຣົບຕາເວັນອອກ ລວມມີ: ຣູມານີ, ບຸນກາຣີ, ຮຸງກາຣີ ແລະ ສະໂລວາກີ, ເຊິ່ງເປັນ 4 ປະເທດບ້ານໃກ້ເຮືອນຄຽງຂອງ ຢູແກຼນ.