(vovworld) - ວັນທີ 26/3, ອົງການສົນທິສັນຍາມະຫາສະໝຸດ ອັກຊັງຕີນ ເໜືອ (ຫຼື NATO) ໃຫ້ຮູ້ວ່າ: ອົງການນີ້ບໍ່ມີເຈດຈຳນົງແຊກແຊງດ້ານການທະຫານເຂົ້າ ຊີຣີ. ຖະແຫຼງການດັ່ງກ່າວໂດຍເຈົ້າໜ້າທີ່ NATO ຍົກອອກມາພາຍຫຼັງທີ່ຜູ້ນຳກຳລັງຝ່າຍຄ້ານ ຊີຣີ Moaz Alkhatib ໃຫ້ຮູ້ວ່າ: ທ່ານໄດ້ສະເໜີໃຫ້ຝ່າຍ ອາເມລິກາ ຊ່ວຍເຫຼືອປົກປັກຮັກສາບັນດາເຂດໂດຍກຳລັງຝ່າຍຄ້ານພວມຄວບຄຸມຢູ່ພາກເໜືອ ຊີຣີ ດ້ວຍລະບົບລູກສອນໄຟ Patriot ຕໍ່ໜ້າບັນດາການບຸກໂຈມຕີທາງອາກາດຂອງກຳລັງຈົ່ງຮັກພັກດີກັບທ່ານປະທານາທິບໍດີ Bashar al – Assad. ຜູ້ນຳຝ່າຍຄ້ານ ຊີຣີ ກໍ່ໃຫ້ຮູ້ວ່າ ພວມລໍຄອຍຄຳຕັດສິນຂອງຝ່າຍ NATO. ມາຮອດປະຈຸບັນ, ການແຊກແຊງພຽງຢ່າງດຽວຂອງ NATO ເຂົ້າໃນການປະທະກັນຢູ່ ຊີຣີ ແມ່ນ ຜັນຂະຫຍາຍບັນດາ ກອງລູກສອນໄຟ Patriot ຢູ່ລຽບຕາມຊາຍແດນ ຕວກກີ, ເຊິ່ງແມ່ນປະເທດສະມາຊິກພັນທະມິດ ເພື່ອສະກັດກັ້ນທຸກໆການບຸກໂຈມຕີທາງອາກາດ ຫຼື ດ້ວຍລູກສອນໄຟຈາກຝ່າຍ ຊີຣີ.