(vovworld) – ຊຸດບຳລຸງສ້າງດ້ວຍພາສາ ຝຣັ່ງ 2 ຊຸດເພື່ອແນໃສ່ເພີ່ມທະວີກຳລັງຄວາມສາມາດ ແລະ ການເຈລະຈາສາກົນໄດ້ຮັບການຈັດຕັ້ງໃຫ້ບັນດາພະນັກງານ ແລະ ລັດຖະກອນການທູດຂອງ ຫວຽດນາມ, ແຕ່ວັນທີ 27/8 ຮອດວັນທີ 5/9. ນີ້ແມ່ນໜຶ່ງໃນບັນດາໂຄງການໄລຍະຍາວຂອງອົງການພາສາຝຣັ່ງສາກົນ (OIF) ເພື່ອແນໃສ່ສົ່ງເສີມການນຳໃຊ້ພາສາ ຝຮັ່ງ - ເຊິ່ງແມ່ນພາສາທາງການຂອງ 32 ປະເທດສະມາຊິກຂອງກຸ່ມນຳໃຊ້ພາສາ ຝຣັ່ງ ແລະ ແມ່ນພາສາທີ່ສະຫະປະຊາຊາດນຳໃຊ້ໃນການເຮັດວຽກຢ່າງເປັນທາງການ. ບັນດາຊຸດຮຽນນີ້ກໍ່ແນໃສ່ຕອບສະໜອງຄວາມຮຽກຮ້ອງກ່ຽວກັບການບຳລຸງສ້າງແຫຼ່ງຊັບພະຍາກອນມະນຸດຂອງບັນດາກະຊວງ, ຂະແໜງການຂອງ ຫວຽດນາມ, ໃນສະພາບການ ຫວຽດນາມ ພວມເຊື່ອມໂຍງຢ່າງແຮງເຂົ້າກັບໂລກ. ເນື້ອໃນຕົ້ນຕໍ່ຂອງ 2 ຊຸດຮຽນນີ້ແມ່ນທັກສະເຈລະຈາສາກົນ 2 ຝ່າຍ ແລະ ຫຼາຍຝ່າຍ, ເຂົ້າຮ່ວມບັນດາກອງປະຊຸມສາກົນຢ່າງມີປະສິດທິຜົນ. 2 ຊຸດຮຽນນີ້ຈະປະກອບສ່ວນຊ່ວຍໃຫ້ຜູ້ເຂົ້າຮຽນຍົກສູງກຳລັງຄວາມສາມາດເຈລະຈາສາກົນ ແລະ ເຂົ້າຮ່ວມບັນດາກອງປະຊຸມສາກົນໃຫຍ່ໃນສະພາບແວດລ້ອມໂລກທີ່ມີວັດທະນະທຳຫຼາຍຮູບຫຼາຍສີ. ຍາມໃດ ຫວຽດນາມ ກໍ່ໄດ້ຮັບການຕີລາຄາສູງໃນການເຂົ້າຮ່ວມໃນບັນດາການເຄື່ອນໄຫວລວມຂອງອົງການພາສາ ຝຣັ່ງ ສາກົນ ກໍ່ຄືບັນດາໂຄງການພັດທະນາພາສາ ຝຣັ່ງ ຢ່າງຕັ້ງໜ້າ, ປະກອບສ່ວນເຂົ້າໃນການພັດທະນາລວມຂອງກຸ່ມ ພາສາ ຝຣັ່ງ ລວມມີ 57 ປະເທດ ແລະ ລັດຖະບານປະເທດສະມາຊິກພ້ອມກັບ 20 ປະເທດສັງເກດການ.