(vovworld) - ເວທີປາໄສວິສາຫະກິດ ຫວຽດນາມ - ອິດສະຣາແອນ, ເຊິ່ງແມ່ນການເຄື່ອນໄຫວຈັດຕັ້ງໃນຂອບເຂດການຢ້ຽມຢາມ ຫວຽດນາມ ຂອງທ່ານປະທານາທິບໍດີ ອິດສະຣາແອນ Reuven Ruvi Rivlin, ດຳເນີນໃນຕອນເຊົ້າວັນທີ 21/3, ຢູ່ຮ່າໂນ້ຍ. ເວທີປາໄສມີການເຂົ້າຮ່ວມຂອງທ່ານປະທານາທິບໍດີ ອິດສະຣາແອນ Reuven Ruvi Rivlin ແລະ ທ່ານຮອງນາຍົກລັດຖະມົນຕີ ເວືອງດິ່ງເຫ້ວ, ທ່ານ ຫວູຕ໋ຽນໂລກ, ປະທານຫ້ອງການການຄ້າ ແລະ ອຸດສາຫະກຳ ຫວຽດນາມ ພ້ອມກັບວິສາຫະກິດ ຫວຽດນາມ ແລະ ອິດສະຣາແອນ ປະມານ 300 ແຫ່ງ.
ທ່ານປະທານາທິບໍດີ ອິດສະຣາແອນ Reuven Ruvi Rivlin ກ່າວຄຳເຫັນທີ່ ເວທີປາໄສ
|
ກ່າວຄຳເຫັນທີ່ເວທີປາໄສ, ທ່ານ ຫວູຕ໋ຽນໂລກ, ປະທານຫ້ອງການການຄ້າ ແລະ ອຸດສາຫະກຳ ຫວຽດນາມ ໃຫ້ຮູ້ວ່າ:
“ຫວຽດນາມ ກໍ່ພວມສຸມແຫຼ່ງກຳລັງໃຫ້ແກ່ການພັດທະນາກະສິກຳ, ຂົນຂວາຍບັນດາວິສາຫະກິດລົງທຶນເຂົ້າກະສິກຳ. Startup ແລະ ລົງທຶນເຂົ້າກະສິກຳໄດ້ຮັບຖືວ່າແມ່ນ 2 ຂົງເຂດບຸກທະລຸເພື່ອຊຸກຍູ້ການພັດທະນາເສດຖະກິດ ຫວຽດນາມ ໃນໄລຍະຈະມາເຖິງ. ໃນ 2 ທິດທາງນັ້ນ, ຊຸກຍູ້ການເລີ່ມທຸລະກິດ ແລະ ພັດທະນາກະສິກຳ, ພວກຂ້າພະເຈົ້າລ້ວນແຕ່ເຫັນວ່າ ອິດສະຣາແອນ ແມ່ນແບບຢ່າງບັນລຸຜົນສຳເລັດໃນໂລກ ແລະ ແມ່ນຄູ່ຮ່ວມມືສຳຄັນສຳລັບພວກຂ້າພະເຈົ້າ”
ທ່ານປະທານາທິບໍດີ ອິດສະຣາແອນ Reuven Ruvi Rivlin ຢັ້ງຢືນວ່າ: ຫວຽດນາມ ແລະ ອິດສະຣາແອນ ມີຫຼາຍຈຸດທີ່ຄ້າຍຄືກັນ:
“ຫວຽດນາມ ແມ່ນພື້ນຖານເສດຖະກິດການຕະຫຼາດເຕີບໂຕເປັນປົກກະຕິ. ໃນຫຼາຍປີມານີ້, ການຮ່ວມມື ຫວຽດນາມ - ອິດສະຣາແອນ ນັບມື້ນັບຫຼາຍຮູບແບບ. ພວກຂ້າພະເຈົ້າຫວັງວ່າ, ນັບມື້ນັບມີຫຼາຍບໍລິສັດ 2 ປະເທດຮ່ວມມືປະຕິບັດບັນດາໂຄງການຮ່ວມມືລວມ. ພວກຂ້າພະເຈົ້າມີໜ້າໃນມື້ນີ້, ພ້ອມກັບການນຳບັນດາວິສາຫະກິດແຖວໜ້າຂອງ ອິດສະຣາແອນ ໃນທຸກໆຂົງເຂດ ຢາກສົ່ງສານທີ່ຈະແຈ້ງວ່າ: ອິດສະຣາແອນ ປາດຖະໜາຢາກຮ່ວມແຮງຮ່ວມໃຈກັບ ຫວຽດນາມ ຮ່ວມມືຕ່າງຝ່າຍຕ່າງມີຜົນປະໂຫຍດ, ປ່ຽນໃໝ່ຢ່າງມີຫົວຄິດປະດິດສ້າງ”