(vovworld) - ວັນທີ 19/06, ທ່ານເລຂາທິການໃຫຍ່ພັນທະມິດບັນດາປະເທດອາເລິກາໃຕ້ (UNASUR) ໄດ້ແຈ້ງຂໍ້ຕົກລົງຮຽກໂຮມກອງປະຊຸມວິສາມັນໃນວັນທີ 23/06 ຈະມາເຖິງ ເພື່ອຕີລາຄາການເຈລະຈາລະຫວ່າງລັດຖະບານ ແລະ ຝ່າຍຄ້ານ ເວນາຊູເອລາ, ໂດຍອົງການນີ້ເປັນຄົນກາງໄກເກ່ຍ. ແຈ້ງການຂອງ UNASUR ຊີ້ແຈ້ງຈຸດປະສົງຂອງກອງປະຊຸມແມ່ນແນໃສ່ຊອກຫາມາດຕະການທີ່ມີປະສິດທິຜົນເພື່ອແກ້ໄຂບັນດາຄວາມບໍ່ລົງລອຍກັນໃນປະຈຸບັນຢູ່ ເວນາຊູເອລາ. ທ່ານອະດີດນາຍົກລັດຖະມົນຕີ ແອດສະປາຍ Jose Luis Rodriguez Zapatero; ທ່ານອະດີດປະທານາທິບໍດີສ.Dominica, Leonel Fernandez ແລະ ທ່ານອະດີດປະທານາທິບໍດີ Panama, Martin Torrijos, ແມ່ນບັນດາຜູ້ທີ່ເປັນຄົນກາງໄກເກ່ຍ ຈະໄດ້ຮັບເຊີນເຂົ້າຮ່ວມກອງປະຊຸມນີ້.