(vovworld) - ວິທະຍຸກະຈາຍສຽງຫວຽດນາມ (VOV) ຕ້ອງເຮັດໃຫ້ຊ່ອງໂທລະພາບສະພາແຫ່ງຊາດກາຍເປັນອົງການກະບອກສຽງທາງການຂອງສະພາແຫ່ງຊາດຫວຽດນາມ. ນີ້ແມ່ນຄຳຢືນຢັນຂອງທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ, ທີ່ການເຮັດວຽກ, ອວຍພອນປີໃໝ່ ພະນັກງານ, ພາລະກອນ VOV ເນື່ອງໃນໂອກາດບຸນປີໃໝ່ ປີມະເມຍ 2014, ເຊິ່ງດຳເນີນໄປໃນຕອນເຊົ້າວັນທີ 08/02, ຢູ່ສູນກະຈາຍສຽງແຫ່ງຊາດ 58 ຖະໜົນກ໋ວານຊື໋, ຮ່າໂນ້ຍ.
ເມື່ອເນັ້ນໜັກເຖິງບາງເນື້ອໃນຈຸດສຸມໃນປີ 2014, ຜູ້ອຳນວຍການໃຫຍ່ VOV ຫງວຽນດັງຕ໋ຽນ ຊີ້ແຈ້ງວ່າ, VOV ສືບຕໍ່ໂຄສະນາບັນດາແຜນນະໂຍບາຍ, ນະໂຍບາຍຂອງພັກ ແລະ ລັດເຖິງປະຊາຊົນຢ່າງມີປະສິດທິຜົນ. ພ້ອມທັງແມ່ນຂົວເຊື່ອມຕໍ່ສ່ອງແສງບັນດາຄຳເຫັນຂອງປະຊາຊົນ. ປະຕິບັດແຜນນະໂຍບາຍຂອງສະພາແຫ່ງຊາດ VOV ພວມຕັ້ງໜ້າກະກຽມອອກອາກາດຊ່ອງໂທລະພາບສະພາແຫ່ງຊາດ.
“ຊ່ອງໂທລະພາບສະພາແຫ່ງຊາດມີ 3ເນື້ອໃນສຳຄັນ, ທີ່ 1 ແມ່ນກໍ່ສ້າງພື້ນຖານໂຄງລ່າງດ້ານເຕັກນິກ ແລະ ບັນດາເຄື່ອງອຸປະກອນເຕັກໂນໂລຊີ ເພື່ອຕອບສະໜອງທຸກຄວາມຕ້ອງການກ່ຽວກັບສາຍສົ່ງສັນຍານ ກໍ່ຄືເຊື່ອມຕໍ່ສາຍສົ່ງສັນຍານເຖິງວິທະຍຸທ້ອງຖິ່ນ ແລະ ວິທະຍຸສູນກາງ. ໜ້າທີ່ທີ 2 ແມ່ນ ພວກຂ້າພະເຈົ້າສ້າງກົງຈັກ ແລະ ແຫຼ່ງຊັບພະຍາກອນມະນຸດ. ໜ້າທີ່ທີ 3 ມີຄວາມສຳຄັນຍິ່ງນັ້ນແມ່ນ ສ້າງລາຍການໃຫ້ມີເນື້ອໃນອຸດົມສົມບຸນ, ມີຊີວິດຊີວາ, ແທດຈິງ, ຕອບສະໜອງຖືກຕາມໜ້າທີ່ຂອງສະພາແຫ່ງຊາດ”.
ຍ້ອງຍໍບັນດາຜົນງານເຊິ່ງ VOV ບັນລຸໄດ້ໃນປີຜ່ານມາ, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ເນັ້ນໜັກວ່າ.
“ໃນໄລຍະຈະມາເຖິງ, VOV ສືບຕໍ່ເສີມຂະຫຍາຍວຽກງານບຳລຸງສ້າງພະນັກງານນັກຂ່າວ, ບັນນາທິການຕາມທິດຕັ້ງໜ້າຮອບດ້ານ. ສ້າງເງື່ອນໄຂ ແລະ ສະພາບແວດລ້ອມສະດວກເພື່ອຂຸດຄົ້ນ, ເສີມຂະຫຍາຍປະສົບການຂອງບັນດາພະນັກງານອາວຸໄສດ້ວຍຄວາມຂະຫຍັນຂັນເຄື່ອນ, ສະດຸງໄວ້ ໃນການຮັບເອົາອັນໃໝ່ຂອງພະນັກງານລຸ່ນໜຸ່ມໃນປະຈຸບັນ. ເອົາໃຈໃສ່ເຖິງການໂຄສະນາສຳລັບເຂດພູດອຍ, ເຂດຊົນເຜົ່າສ່ວນໜ້ອຍ, ເຂດຫ່າງໄກຊອກຫຼີກ, ເຂດຊາຍແດນ, ໝູ່ເກາະ ແລະ ພິເສດແມ່ນເຂດປະສົບກັບຄວາມຫຍຸ້ງຍາກເປັນພິເສດ”.