VOV ເຊັນຂໍ້ຕົກລົງ ກັບ ຄະນະກຳມະການສູນກາງ ແນວໂຮມປະເທດຊາດ ຫວຽດນາມ
ພິທີລົງນາມໂຄງການປະສານສົມທົບວຽກງານ ລະຫວ່າງ VOV ແລະ ຄະນະກຳມະການສູນກາງແນວໂຮມປະເທດຊາດ ຫວຽດນາມ |
(vovword) - ພິທີລົງນາມໂຄງການປະສານສົມທົບວຽກງານ ລະຫວ່າງ ວິທະຍຸກະຈາຍສຽງ ຫວຽດນາມ ແລະ ຄະນະກຳມະການສູນກາງແນວໂຮມປະເທດຊາດ ຫວຽດນາມ ຫາກໍດຳເນີນໄປໃນຕອນບ່າຍວັນທີ 04/7 ຢູ່ ສູນກະຈາຍສຽງແຫ່ງຊາດ ເລກທີ 58 ຖະໜົນ Quan Su ນະຄອນຫລວງ ຮ່າໂນ້ຍ. ຕາມຂໍ້ຕົກລົງສະບັບນີ້ແລ້ວ, ວິທະຍຸກະຈາຍສຽງ ຫວຽດນາມ ຈະສ້າງຄໍລຳທີ່ມີຫົວຂໍ້ວ່າ: ເພື່ອພາລະກິດສາມັກຄີທົ່ວປວງຊົນທັງຊາດ”, ສືບຕໍ່ຍູ້ແຮງບັນດາການເຄື່ອນໄຫວໂຄສະນາຜ່ານພາຫະນະສື່ສານຂອງວິທະຍຸກ່ຽວກັບວຽກງານຂົນຂວາຍ, ເຕົ້າໂຮມຊາວ ຫວຽດນາມ ອາໄສຢູ່ຕ່າງປະເທດເຂົ້າຮ່ວມກຸ່ມກ້ອນມະຫາສາມັກຄີທົ່ວປວງຊົນທັງຊາດ. ກ່າວຄຳເຫັນນະທີ່ນີ້, ທ່ານ Nguyen Trong Kim ຮອງປະທານ, ທັງເປັນເລຂາທິການໃຫຍ່ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຢືນຢັນວ່າ: ເລື່ອງສອງອົງການເຊັນຂໍ້ຕົກລົງເພື່ອປະສານສົມທົບວຽກງານ ແມ່ນເງື່ອນໄຂທີ່ດີໃຫ້ແກ່ການໂຄສະນາແຜນນະໂຍບາຍ, ນະໂຍບາຍຂອງພັກ, ພິເສດ ແມ່ນແຜນນະໂຍບາຍ, ການເຄື່ອນໄຫວຂອງແນວໂຮມປະເທດຊາດ ຫວຽດນາມ, ຜ່ານນັ້ນ ປະກອບສ່ວນຢ່າງຕັ້ງຫນ້າເຂົ້າໃນການສ້າງ ແລະ ເສີມຂະຫຍາຍກຸ່ມກ້ອນມະຫາສາມັກຄີທົ່ວປວງຊົນທັງຊາດຢ່າງແຂງແຮງ.
“ວິທະຍຸກະຈາຍສຽງ ຫວຽດນາມ ແມ່ນວິທະຍຸກະຈາຍສຽງແຫ່ງຊາດ, ບໍ່ພຽງແຕ່ເຜີຍແຜ່ຂໍ້ມູນຂ່າວສານຜ່ານຮູບການຫນຶ່ງ ປະຈຸບັນ ມີຫລາຍຮູບການແຕກຕ່າງກັນ. 90% ຈຳນວນປະຊາຊົນໃນທົ່ວປະເທດໄດ້ຮັບຟັງວິທະຍຸກະຈາຍສຽງຫວຽດນາມ. ສະນັ້ນ ນີ້ແມ່ນເງື່ອນໄຂສະດວກເພື່ອເສີມຂະຫຍາຍກຸ່ມກ້ອນມະຫາສາມັກຄີທົ່ວປວງຊົນທັງຊາດ. ”