ພິທີລົງນາມລະຫວ່າງ 2 ຝ່າຍ
|
(vovworld) – ວັນທີ 15/12, ວິທະຍຸກະຈາຍສຽງ ຫວຽດນາມ ແລະ ຄະນະກຳມະການປະຊາຊົນແຂວງ ດັກລັກ ໄດ້ຈັດຕັ້ງພິທີເຊັນໂຄງການຮ່ວມມືດ້ານການສື່ສານ. ທີ່ພິທີລົງນາມ, ທ່ານ ຫງວຽນເທ໋ກີ້, ກຳມະການສູນກາງພັກ, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ໄດ້ຢັ້ງຢືນວ່າ: ໂຄງການຮ່ວມມືນີ້ໄດ້ສະແດງໃຫ້ເຫັນນ້ຳໃຈ ແລະ ຄວາມຮັບຜິດຊອບກ່ວາອີກຂອງ ວິທະຍຸກະຈາຍສຽງ ຫວຽດນາມ ສຳລັບແຂວງ ດັກລັງ ເວົ້າສະເພາະ ແລະ ເຂດໄຕງວຽນ ເວົ້າລວມ.
ດ້ວຍໂຄງການຮ່ວມມືດ້ານການສື່ສານທີ່ຫາກໍ່ໄດ້ຮັບການລົງນາມນີ້, ຄະນະກຳມະການປະຊາຊົນແຂວງ ດັກລັກ ແລະ ວິທະຍຸກະຈາຍສຽງ ຫວຽດນາມຈະເພີ່ມທະວີການແລກປ່ຽນຂໍ້ມູນຂ່າວສານ, ສົມທົບກັນເປັນປະຈຳ ແລະ ແໜ້ນແຟ້ນການສ້າງເນື້ອໃນການໂຄສະນາ, ຈຸດເວລາໃຫ້ອອກອາກາດ. ໂຄງການຈະຊ່ວຍໃຫ້ ວິທະຍຸກະຈາຍສຽງ ຫວຽດນາມ ມີຄວາມສະດວກກ່ວາໃນການປະຕິບັດໜ້າທີ່ສື່ສານ, ໂຄສະນາ, ເຜີຍແຜ່ບັນດາແຜນນະໂຍບາຍ, ແນວທາງຂອງພັກ, ນະໂຍບາຍ, ກົດໝາຍຂອງລັດ ແລະ ສະພາບການດ້ານເສດຖະກິດ, ວັດທະນະທຳ, ສັງຄົມເຖິງປະຊາຊົນໃນແຂວງ.