(ພາບປະກອບ: vietnamplus.vn)
(vovworld)- ວັນທີ 31/5, ສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ ໄດ້ອອກແຈ້ງການໜັງສືພິມຄັດຄ້ານໝາກຜົນໃນເບື້ອງຕົ້ນກໍລະນີຟ້ອງຮ້ອງຕ້ານການຊ່ວຍໜູນສຳລັບກຸ້ງແຊເຢັນຫວຽດນາມ ຢູ່ຕະຫຼາດອາເມລິກາ. ກ່ອນໜ້ານນັ້ນ, ວັນທີ 29/5, ກະຊວງການຄ້າອາເມລິກາ (DOC) ໄດ້ປະກາດຄຳຕັດສີນໃນເບື້ອງຕົ້ນການຈັດວາງພາສີຕ້ານການຊ່ວຍໜູນສຳລັບກຸ້ງນຳເຂົ້າຈາກຫວຽດນາມ. ຕາມນັ້ນແລ້ວ, ລະດັບອັດຕາພາສີນຳໃຊ້ໃຫ້ບໍລິສັດສົ່ງອອກກຸ້ງໄປອາເມລິກາທັງໝົດແມ່ນ 6,07%. ເປັນອັນວ່າ, ນອກຈາກພາສີຕ້ານການຂາຍບຸບລາຄາ ໂດຍກະຊວງການຄ້າອາເມລິກາ (DOC) ຈັດວາງໃຫ້ກຸ້ງຫວຽດນາມ ກ່ອນນີ້ແລ້ວ, ປະຈຸບັນ, ກຸ້ງຫວຽດນາມ ສົ່ງອອກໄປຕະຫຼາດອາເມລິກາ ຕ້ອງເສຍພາສີອີກປະເພດໜຶ່ງທີ່ໄຮ້ເຫດຜົນ: ນັ້ນແມ່ນພາສີຕ້ານການຊ່ວຍໜູນ. ເມື່ອແລກປ່ຽນກັບນັກຂ່າວວິທະຍຸກະຈາຍສຽງຫວຽດນາມ, ທ່ານເຈືອງດິງແຮ່ວ ເລຂາທິການສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ ໃຫ້ຮູ້ວ່າ: ພາຍຫຼັງມີຄຳຕັດສິນໃນເບື້ອງຕົ້ນນີ້, ກຸ້ງແຊເຢັນສົ່ງອອກຂອງຫວຽດນາມ ໄປອາເມລິກາ ຕ້ອງເສຍບ້ວງເງິນໜຶ່ງຕາມລະດັບພາສີຕ້ານການຊ່ວຍໜູນທີ່ຫາກໍ່ຍົກອອກມາ ເພື່ອລໍຖ້າການຕັດສິນສຸດທ້າຍຂອງກະຊວງການຄ້າອາເມລິກາ (DOC) ຊື່ງຄາດວ່າຈະຍົກອອກມາໃນເດືອນ 9/2013. ທ່ານເຈືອງດິງແຮ່ວ ເລຂາທິການສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ ເນັ້ນນັກວ່າ:
“ບັນດາວິສາຫະກິດ ແລະ ສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳຫວຽດນາມ ຮຽກຣ້ອງໃຫ້ກະຊວງການຄ້າອາເມລິກາ ຕ້ອງພິຈາລະນະໂດຍພາວະວິໄສກ່ວາອີກ. ໃນກາງເດືອນ 6/2013, ຄະນະຜູ້ແທນຂອງກະຊວງການຄ້າອາເມລິກາ ຈະເດີນທາງມາຫວຽດນາມ ເພື່ອກວດກາກັບທີ່ຢູ່ບັນດາວິສາຫະກິດຖືກຟ້ອງຮ້ອງ ແລະ ຈະເຮັດວຽກກັບບັນດາອົງການລັດຖະບານກ່ຽວກັບບັນດາບັນຫາກ່ຽວຂ້ອງ, ເຂົາເຈົ້າຈະຄິດໄລ່, ບົນພື້ນຖານນັ້ນຈະອອກຄຳຕັດສິນສຸດທ້າຍໃນປະມານທ້າຍເດືອນ 8- ເດືອນ 9/2013. ຖ້າຫາກວ່າເຂົາເຈົ້າຖືວ່າ ກຸ້ງຫວຽດນາມ ບໍ່ຕ້ອງຖືກຈັດວາງພາສີຕ້ານການຊ່ວຍໜູນ, ກໍລະນີຟ້ອງຮ້ອງຈະຢຸດຢູ່ທີ່ນັ້ນ”.