(vovworld) – ວັນທີ 18/02, ໃນຖະແຫຼງການຢ່າງເປັນທາງການ, ທ່ານນາງ Josefina Vidal, ຫົວໜ້າກົມຮັບຜິດຊອບບັນດາບັນຫາອາເມລິກາ ຂອງກະຊວງການຕ່າງປະເທດກຸຍບາ ໃຫ້ຮູ້ວ່າ, ທ່ານປະທານາທິບໍດີອາເມລິກາ Barack Obama ຈະດຳເນີນການຢ້ຽມຢາມເຖິງກຸຍບາ ຢ່າງເປັນທາງການໃນລະຫວ່າງວັນທີ 21 – 22/03 ຈະມາເຖິງ. ໃນການປະຊຸມຂ່າວຢ່າງເປັນທາງການ ເມື່ອແຈ້ງກ່ຽວກັບເຫດການນີ້, ທ່ານນາງ Vidal ກໍແມ່ນຫົວໜ້າຄະນະເຈລະຈາກ່ຽວກັບການຫັນການພົວພັນລະຫວ່າງອາເມລິກາ ແລະ ກຸນບາ ເປັນປົກກະຕິ ໄດ້ຢືນຢັນວ່າ, ຍາມໃດລັດຖະບານກຸຍບາ ກໍພ້ອມແລ້ວທີ່ຈະຕ້ອນຮັບປະມຸກລັດຂອງອາເມລິກາ ດ້ວຍຄວາມຮັກແພງແຂກຄົນຂອງປະຊາຊົນເຂດເກາະ Caribe ນີ້ ແລະ ການຢ້ຽມຢາມດັ່ງກ່າວແມ່ນການພິສຸດໃຫ້ເຫັນກ່ຽວກັບເຈດຈຳນົງຂອງ La Habana ໃນການປັບປຸງການພົວພັນກັບວໍຊິງຕັນ. ທ່ານນາງ Vidal ກໍຢືນຢັນຄືນໃໝ່ຫຼັກໝັ້ນຂອງກຸຍບາ ທີ່ວ່າ, ເພື່ອຫັນການພົວພັນເປັນປົກກະຕິກັບອາເມລິກາ, ວໍຊິຕັນ ຕ້ອງລົບລ້າງການປິດລ້ອມທັງໝົດ ດ້ານເສດຖະກິດ, ການເງິນ, ການຄ້າຕ້ານ La Habana ກໍຄືມອບຄືນອ່າວ Guantanamo, ເຊິ່ງແມ່ນດິນແດນພາກສ່ວນໜຶ່ງຂອງກຸຍບາ ທີ່ອາເມລິກາ ໄດ້ຢືດຄອງຢ່າງຜິດກົດໝາຍເພື່ອໃຫ້ເປັນຖານທີ່ໝັ້ນນັ້ນໃຫ້ກຸຍບາ.