(vovworld) – ກຸຍບາ ຢືນຢັນຄືນຄຳຮຽກຮ້ອງອາເມລິກາ ຍົກເລີກ ຄຳສັ່ງຂວ້ຳບາດດ້ານການຄ້າກໍຄື ມອບສິດຄວບຄຸມຖານທີ່ໝັ້ນທະຫານເຮືອຢູ່ Guantanamo ໃຫ້ກຸຍບາ ຄືນໃໝ່. ນີ້ແມ່ນເງື່ອນໄຂເພ່ືອໃຫ້ 2 ປະເທດສ້າງການພົວພັນເປັນປົກກະຕິ. ທັດສະນະດັ່ງກ່າວໂດຍປະທານກຸຍບາ Raul Castro ໄດ້ຍົກອອກມາໃນການພົບປະແລກປ່ຽນກັບປະທານາທິບໍດີອາເມລິກາ Barack Obama, ໃນວັນທີ 29/09, ຢູ່ນອກກອງປະຊຸມສະມັດຊາໃຫຍ່ສະຫະປະຊາຊາດຄັ້ງທີ 70, ເຊິ່ງດຳເນີນໄປຢູ່ນະຄອນນິວຢອກ, ປະເທດອາເມລິກາ. ພາຍຫຼັງການພົບປະລະຫວ່າງການນຳ 2 ປະເທດ, ທ່ານລັດຖະມົນຕີວ່າການກະຊວງການຕ່າງປະເທດກຸຍບາ Bruno Rodriguez ເນັ້ນໜັກວ່າ ການນຳທັງ 2 ທ່ານ ໄດ້ເຫັນດີກັບໂຄງການເຮັດວຽກລວມເຊິ່ງ 2 ຝ່າຍຈະປຶກສາຫາລືໃນໄລຍະຈະມາເຖິງ, ເພື່ອແນໃສ່ມຸ່ງໄປເຖິງສ້າງການພົບພັນ 2 ຝ່າຍເປັນປົກກະຕິ.