ກົດໝາຍ ລັດເຊຍ ຖືການລະເມີດຜືນແຜ່ນດິນອັນຄົບຖ້ວນຄືດັ່ງລັດທິຫົວຮຸນແຮງ
(VOVWORLD) - ທ່ານປະທານາທິບໍດີ ລັດເຊຍ Vladimir Putin ໄດ້ເຊັນກົດໝາຍສະຫະພັນ ວ່າດ້ວຍການຖືເລື່ອງລະເມີດຜືນແຜ່ນດິນຂອງລັດເຊຍ, ນັບທັງການຫັນສ່ວນໜຶ່ງຂອງດິນແດນຂອງປະເທດນີ້ ຄືດັ່ງລັດທິຫົວຮຸນແຮງ.
 ທ່ານປະທານາທິບໍດີ ລັດເຊຍ Vladimir Putin (ພາບ: TTXVN) |
ຮ່າງກົດໝາຍສະບັບດັ່ງກ່າວໄດ້ຮຽບຮຽງເໝືອນດັ່ງສ່ວນໜຶ່ງຂອງການປະຕິບັດການປັບປຸງລັດຖະທໍາມະນູນລັດເຊຍ. ກົດໝາຍສະບັບດັ່ງກ່າວໄດ້ເຮັດແຈ້ງຄໍານິຍາມຂອງການເຄື່ອນໄຫວຂອງກໍາລັງຫົວຮຸນແຮງ ແລະ ກໍານົດວ່າ ການລະເມີດຜືນແຜ່ນດິນຂອງ ລັດເຊຍ, ນັບທັງການຫັນສ່ວນໜຶ່ງຂອງດິນແດນລັດເຊຍ ແມ່ນໄດ້ຮັບຖືວ່າເປັນລັດທິຫົວຮຸນແຮງ. ກ່ອນໜ້ານັ້ນ, ທ່ານສະມາຊິກສະພາສູງ Klishas ໃຫ້ຮູ້ວ່າ ກົດໝາຍສະບັບດັ່ງກ່າວກໍຈະນໍາໃຊ້ກັບອໍານາດການປົກຄອງສະຫະພັນ, ໝາຍຄວາມວ່າການຫັນບັນດາດິນແດນຂອງລັດເຊຍ ແມ່ນ “ບໍ່ອາດຍອມຮັບໄດ້” ເຖິງວ່ານັ້ນແມ່ນຂໍ້ລິເລີ່ມຂອງບັນດາເຂດດິນແດນນີ້ ຫຼື ຂໍ້ລິເລີ່ມຂອງປະຊາຊົນກໍຕາມ.