ກົດໝາຍວ່າດ້ວຍທີ່ດິນ (ສະບັບປັບປຸງ) ມີຜົນກະທົບອັນຕັ້ງໜ້າ ເຖິງບັນດານັກລົງທຶນຕ່າງປະເທດ
ການປະຊຸມຂ່າວປະກາດໝາກຜົນຂອງກອປະຊຸມ
ສະໄໝສາມັນເທື່ອທີ 6 ສະພາແຫ່ງຊາດຫວຽດນາມ ຊຸດທີ 13
(ພາບ: chinhphu.vn)
(vovworld) - ທີ່ການປະຊຸມຂ່າວ, ທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ ຫງວຽນມິງກວາງ ຢືນຢັນວ່າ, ໃນ ກົດໝາຍວ່າດ້ວຍທີ່ດິນ (ສະບັບປັບປຸງ) ມີຂໍ້ກຳນົດໃໝ່ 2 ຢ່າງເພື່ອແນໃສ່ສົ່ງເສີມ, ດຶງດູດນັກລົງທຶນຕ່າງປະເທດ. ທ່ານ ລັດຖະມົນຕີ ຫງວຽນມິງກວາງ ກ່າວວ່າ.
“ໃນກົດໝາຍວ່າດ້ວຍທີ່ດິນ (ສະບັບປັບປຸງ), ນັກລົງທຶນຕ່າງປະເທດ ຈະຖືກລັດມອບດິນເພື່ອລົງທຶນເຮັດເຮືອນຢູ່, ເພື່ອຂາຍ ແລະ ສາມາດໃຫ້ເຊົ່າ. ຂໍ້ກຳນົດດັ່ງກ່າວແຕກຕ່າງກັບກົດໝາຍ 2003 ຍ້ອນຕາມກົດໝາຍ 2003, ບັນດານັກລົງທຶນຕ່າງປະເທດພຽງແຕ່ໄດ້ເຊົ່າດິນ. ນີ້ແມ່ນຄວາມກ້າວໜ້າໃໝ່ຂອງກົດໝາຍວ່າດ້ວຍທີ່ດິນ (ສະບັບປັບປຸງ). ທີ 2 ແມ່ນ, ສຳລັບບັນດາໂຄງການລົງທຶນອື່ນ ບັນດານັກລົງທຶນຕ່າງປະເທດພຽງແຕ່ໄດ້ຮັບເລືອກຮູບແບບຈາຍເງິນເພື່ອເຊົ່າດິນ; ສາມາດຈາຍເທື່ອໜຶ່ງໃຫ້ທັງໄລຍະເຊົ່າດິນ ຫຼື ຈາຍດ້ວຍເງິນຜ່ອນແຕ່ລະປີ. ບັນດາຂໍ້ກຳນົດດັ່ງກ່າວກໍ່ແມ່ນເພື່ອຮັບປະກັນລັກສະນະສະເໝີຕົ້ນສະເໝີປາຍລະຫວ່າງນັກລົງທຶນຕ່າງປະເທດ ແລະ ພາຍໃນປະເທດ ພ້ອມທັງກໍ່ແມ່ນເພື່ອສົ່ງເສີມ, ດຶງດູດນັກລົງທຶນ”.
ທ່ານ ລັດຖະມົນຕີ ຫງວຽນມິງກວາງ ກໍ່ເຊື່ອໝັ້ນເລື່ອງຖອນທີ່ດິນຄືນ, ເຊິ່ງແມ່ນບັນຫາທີ່ບັນດາສະມາຊິກສະພາແຫ່ງຊາດ ແລະ ຜູ້ມີສິດເລືອກຕັ້ງສົນໃຈທີ່ສຸດ, ຈະຖືກຮັດແໜ້ນ ແລະ ສາມາດແກ້ໄຂໄດ້ບັນດາຂໍ້ຕິດຂັດ, ຫີຼິກລ້ຽງສະພາບຮ້ອງຟ້ອງທີ່ແກ່ຍາວຄືໃນໄລຍະຜ່ານມາ.
ເມື່ອເຕື້ອງເຖິງການເພີ່ມເວລາຊັກຖາມທີ່ກອງປະຊຸມຄັ້ງທີຈະມາເຖິງ, ທ່ານຮອງປະທານສະພາແຫ່ງຊາດ ອວງຈູລິວ ຢືນຢັນວ່າ.
“ພາຍຫຼັງການປັບປຸງລັດຖະທຳມະນູນ, ໃນໄລຍະຈະມາເຖິງ ພວກຂ້າພະເຈົ້າຈະປັບປຸງກົດໝາຍວ່າດ້ວຍການຈັດຕັ້ງສະພາແຫ່ງຊາດ, ກົດລະບຽບກອງປະຊຸມຂອງສະພາແຫ່ງຊາດ ທຸກໆບັນຫາດັ່ງກ່າວຈະໄດ້ຮັບການຄົ້ນຄວ້າ ແລະ ປັບປຸງໃຫ້ດີຂຶ້ນ ເພື່ອສາມາດຍົກສູງຄຸນນະພາບການຊັກຖາມ”.