ກູບາ ຕຳໜິຕິຕຽນຄຳສັ່ງຫ້າມເຂົ້າເມືອງຂອງ ອາເມລິກາ ເລັ່ງໃສ່ທ່ານ ອະດີດປະທານ Raul Castro
(VOVWORLD) -ວັນທີ 28 ກັນຍາ, ທ່ານ Bruno Rodriguez ລັດຖະມົນຕີ ກະຊວງການຕ່າງປະເທດ ກູບາ ໄດ້ຕຳໜິຕິຕຽນອຳນາດການປົກຄອງ ຂອງ ທ່ານ Donald Trump ປະທານາທິບໍດີ ອາເມລິກາ ຍ້ອນວ່າ ໄດ້ຈັດວາງຄຳສັ່ງຫ້າມເຂົ້າເມືອງ ອາເມລິກາ ສຳລັບທ່ານ Raul Castro ເລຂາຜູ້ທີ່ໜຶ່ງຂອງ ພັກກອມມູນິດກູບາ.
 ທ່ານ Raul Castro ເລຂາຜູ້ທີ່ໜຶ່ງຂອງພັກກອມມູນິດ ກູບາ (ພາບ: TTXVN) |
ກ່າວຄຳເຫັນຕໍ່ກອງປະຊຸມ ສະມັດຊາໃຫຍ່ ສປຊ, ທ່ານ Rodriguez ເນັ້ນໜັກວ່າ ນີ້ແມ່ນການກະທຳທີ່ເປັນຜົນປະໂຫຍດໃນສະພາບຕົວຈິງ ແລະ ມີເປົ້າໝາຍແຕະຕ້ອງເຖິງກຽດສັກສີກໍ່ຄືອາລົມຈິດຂອງ ປະຊາຊົນ ກູບາ.
ວັນທີ 26 ກັນຍາ, ທ່ານ Mike Pompeo ລັດຖະມົນຕີ ກະຊວງການຕ່າງປະເທດ ອາເມລິກາ ໄດ້ປະກາດວ່າ: ທ່ານ Raul Castro ເລຂາຜູ້ທີ່ໜຶ່ງຂອງພັກກອມມູນິດ ກູບາ ທັງເປັນອະດີດປະທານກູບາ ແລະ ຍາດຕິພີ່ນ້ອງຂອງ ເພິ່ນ ຈະບໍ່ມີເງື່ອນໄຂຢ່າງພຽງພໍເພື່ອເຂົ້າເມືອງອາເມລິກາ. ກ່ອນໜ້ານັ້ນ, ວັນທີ 19 ກັນຍາ, ອາເມລິກາ ກໍ່ໄດ້ອອກຄຳສັ່ງເນລະເທດ ສະມາຊິກ ຂອງຄະນະຜູ້ແທນ ກູບາ ປະຈຳ ສປຊ 2 ຄົນ ແລະ ຈຳກັດການໄປມາສຳລັບບັນດາສະມາຊິກທີ່ຍັງເຫຼືອຂອງຄະນະພາຍຫຼັງກ່າວຫາເຂົາເຈົ້າວ່າ ພວມພະຍາຍາມດຳເນີນບັນດາການເຄື່ອນໄຫວຕ້ານອາເມລິກາ.