ກູບາປາດຖະໜາຢາກພ້ອມກັບຫວຽດນາມເປີດກ້ວາງການຮ່ວມມືໃນບັນດາຂົງເຂດມີທ່າແຮງ
ທ່ານນາງຮອງປະທານສະພາແຫ່ງລັດ, ເລຂາຄະນະພັກນະຄອນ La Habana Lazara Mercedes Lopez ແລະ ທ່ານລັດຖະມົນຕີການຊວງກໍ່ສ້າງ ຈິງດິ່ງຢູ້ງ
(ພາບ: Phạm Hoài Nam/Vietnam+)
(vovworld) – ວັນທີ 14/10, ທ່ານນາງຮອງປະທານສະພາແຫ່ງລັດ, ເລຂາຄະນະພັກນະຄອນ La Habana Lazara Mercedes Lopez, ໄດ້ໃຫ້ການຕ້ອນຮັບຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມຄັ້ງທີ 32 ຄະນະກຳມະການລະຫວ່າງລັດຖະບານ ກູບາ - ຫວຽດນາມ ໂດຍທ່ານລັດຖະມົນຕີການຊວງກໍ່ສ້າງ ຈິງດິ່ງຢູ້ງ ນຳໜ້າ. ທ່ານນາງ ເລຂາຄະນະພັກນະຄອນ Mercedes Lopez ຫວັງວ່າ: ດ້ວຍໝາກຜົນບັນລຸໄດ້ທີ່ກອງປະຊຸມລະຫວ່າງລັດຖະບານຄັ້ງນີ້, 2 ຝ່າຍຈະເປີດກ້ວາງທິດທາງໃໝ່ໃນບັນດາຂົງເຂດຮ່ວມມື. ທ່ານລັດຖະມົນຕີການຊວງກໍ່ສ້າງ ຈິງດິ່ງຢູ້ງ ເນັ້ນໜັກວ່າ: ໃນການປະຕິບັດງານຂອງຄະນະລະຫວ່າງລັດຖະບານເຖິງ ກູບາ ຄັ້ງນີ້, ບັນດາວິສາຫະກິດ ຫວຽດນາມ ຈະສຳຫຼວດຢ່າງເລິກເຊິ່ງ, ກ້ວາງຂວາງກ່ວາກ່ຽວກັບເຂດພັດທະນາພິເສດ Mariel ເພື່ອຊອກຫາກາລະໂອກາດລົງທຶນ ແລະ ຮ່ວມມືກ່ວາອີກ.
ຄະນະຜູ້ແທນ ຫວຽດນາມ ກໍ່ມີການເຮັດວຽກກັບທ່ານລັດຖະມົນຕີກະຊວງທ່ອງທ່ຽວ ກູບາ Manuel Marrero ເພື່ອແນໃສ່ຊຸກຍູ້ການພົວພັນ ແລະ ເປີດກ້ວາງການຮ່ວມມືໃນຂົງເຂດເຊິ່ງທັງ 2 ຝ່າຍລ້ວນແຕ່ມີທ່າແຮງ. ແລະກໍ່ໃນວັນດຽວກັນ, ການນຳນະຄອນ ຮ່າໂນ້ຍ ໄດ້ຈັດຕັ້ງພິທີມອບນາມມະຍົດ “ພົນລະເມືອງກິຕິມະສັກຂອງ ຮ່າໂນ້ຍ” ໃຫ້ທ່ານ Fredesman Turro Gonzalez, ອະດີດເອກອັກຄະລັດຖະທູດ ກູບາ ປະຈຳ ຫວຽດນາມ, ຍ້ອນໄດ້ມີການປະກອບສ່ວນທີ່ພົ້ນເດັ່ນໃນການຊຸກຍູ້ການພົວພັນມິດຕະພາບ, ຄວາມສາມັກຄີລະຫວ່າງປະຊາຊົນ 2 ປະເທດ.