(vovworld) – ວັນທີ 15/02, ຢູ່ນະຄອນຫຼວງ Praha ໄດ້ຈັດກອງປະຊຸມຂັ້ນສູງ 4 ປະເທດ ກຸ່ນ 4 ຝ່າຍ Visegrad (ເຊິ່ງລວມມີ: ສ.ເຊັກໂກ, ສະໂລວາກີ, ໂປໂລຍ ແລະ ຮຸງກາຣີ) ພ້ອມກັບ ມາເຊດວນ ແລະ ບຸນກາຣີ ເພື່ອປຶກສາຫາລືກ່ຽວກັບການຮ່ວມມມືແກ້ໄຂວິກິດການອົບພະຍົບໃນປະຈຸບັນຢູ່ເອີລົບ. ໃນຖະແຫຼງການ Praha ບັນດາການນຳກຸ່ມ Visegrad ໄດ້ຮຽກຮ້ອງການປັບປຸງເອີລົບ ແລະ ກ່າວເຕືອນກ່ຽວກັບເລື່ອງ “ແບ່ງແຍກເອີລົບ”. ກຸ່ມ 4 ຝ່າຍ Visegrad ຮຽກຮ້ອງເປີດປະຕູເຂົ້າເປັນສະມາຊິກສະຫະພາບເອີລົບ (EU) ໃຫ້ບັນດາປະເທດສະໝັກເຂົ້າເປັນສະມາຊິກໃນປະຈຸບັນ ແລະ ນັບທັງບັນດາປະເທດອອກສະໜັກເປັນສະມາຊິກໃນອະນາຄົດ ກໍຄືຄາດຄະເນຊ່ວຍເຫຼືອບັນດາປະເທດເຂດ Balkan ເຂົ້າເປັນສະມາຊິກ EU. ຖະແຫຼງການ Praha ກໍເນັ້ນໜັກວ່າ, ບັນດາປະເທດຂຶ້ນກັບກຸ່ມ 4 ຝ່າຍ Visegrad ສະໜັບສະໜູນໂດຍບໍ່ມີເງື່ອນໄຂເລື່ອງເປີດກວ້າງ EU ຄືດັ່ງເຄື່ອງມືຊ່ວຍຮັບປະກັນຄວາມສະຖຽນລະພາບ ແລະ ວັດທະນາຖາວອນຂອງພາກພື້ນ. ນາຍົກລັດຖະມົນຕີບັນດາປະເທດໃນກຸ່ມ Visegrad ຖືການປັບປຸ່ງການຮ່ວມສຳພັນກັບເອີລົບ ແມ່ນບັນຫາທີ່ມີລັກສະນະຫຼັກການ ເພື່ອສ້າງຕັ້ງບັນຍາກາດຄູ່ຮ່ວມມື, ໄວ້ເນື້ອເຊື່ອໃຈ, ເຄົາລົບເຊິ່ງກັນ ແລະ ກັນ ແລະ ສາມັກຄີກັນລະຫວ່າງ 4 ປະເທດໃນກຸ່ມ.