ທ່ານເລຂາທິການໃຫຍ່ ຫງວຽນຟູຈ້ອງ
ພາບ: internet
|
(vovworld)- ວັນທີ 11/10, ທີ່ສຳນັກງານສູນກາງພັກ, ກົມການເມືອງໄດ້ຈັດຕັ້ງກອງປະຊຸມພົບປະສັງສັນພະນັກງານຂັ້ນສູງຂອງພັກ ແລະ ລັດ ຢູ່ພາກເຫນືອທີ່ໄດ້ອອກກິນເບ້ຍບຳນານ ເພື່ອແຈ້ງສະພາບການໃນບັນດາຂົງເຂດເສດຖະກິດ, ສັງຄົມ, ການປ້ອງກັນຊາດປ້ອງກັນຄວາມສະຫງົບ, ການຕ່າງປະເທດ, ວຽກງານຊີ້ນຳນຳພາຂອງພັກ ແລະ ລັດ ໃນໄລຍະຜ່ານມາ.
ທ່ານເລຂາທິການໃຫຍ່ ຫງວຽນຟູຈ້ອງ, ທ່ານເລຮົ່ງແອງ, ກຳມະການກົມການເມືອງ, ປະຈຳຄະນະເລຂາ, ທ່ານ ດີງເທຮີງ, ກຳມະການກົມການເມືອງ, ເລຂາສູນກາງພັກ, ຫົວຫນ້າຄະນະໂຄສະນາສຶກສາສູນກາງເປັນປະທານຮ່ວມກອງປະຊຸມ.
ທີ່ກອງປະຊຸມ, ຕາງຫນ້າໃຫ້ກົມການເມືອງ, ຄະນະເລຂາ, ທ່ານເລຂາທິການໃຫຍ່ ຫງວຽນຟູຈ້ອງ ໃຫ້ຮູ້ວ່າ: ກອງປະຊຸມຄັ້ງນີ້ເພື່ອແຈ້ງບັນດາເນື້ອໃນກອງປະຊຸມສູນກາງພັກຄັ້ງທີ 8 ຜ່ານມາ, ໃນນັ້ນມີບັນດາເນື້ອໃນກ່ຽວຂ້ອງເຖິງການພັດທະນາເສດຖະກິດສັງຄົມ, ກໍ່ສ້າງພັກ, ວຽກງານຊີ້ນຳນຳພາຂອງພັກກ່ຽວກັບການຕ່າງປະເທດ, ການປ້ອງກັນຊາດປ້ອງກັນຄວາມສະຫງົບ, ຊ່ວຍພະນັກງານ ຊື່ງແມ່ນອະດີດການນຳພັກ, ລັດ ເຫັນໄດ້ສະພາບການລວມຂອງປີ 2013. ທ່ານເລຂາທິການໃຫຍ່ປາດຖະຫນາຢາກບັນດາພະນັກງານສືບຕໍ່ປະກອບບົດຮຽນ, ພູມປັນຍາ ພ້ອມກັບພັກ, ລັດ ຊີ້ນຳນຳພາການພັດທະນາເສດຖະກິດ ສັງຄົມຂອງປະເທດຊາດ, ກໍ່ສ້າງພັກໃຫ້ເຂັ້ມແຂງ.