(vovworld) - ຂະແໜງຖ່ານຫີນແມ່ນໜຶ່ງໃນບັນດາຂະແໜງຕ້ອງຕິດພັນກັບການປົກປັກຮັກສາສິ່ງແວດລ້ອມ, ສ້າງຄວາມເຫັນດີເຫັນພ້ອມໃນສັງຄົມ; ນຳໜ້າໃນການນຳໃຊ້ເຕັກໂນໂລຊີໃໝ່; ສຸມໃສ່ລົງທຶນເຂົ້າບັນດາບໍ່ແຮ່ທີ່ຕ້ອງຂຸດຄົ້ນເລິກ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ຊີ້ນຳຄືດັ່ງກ່າວ ທີ່ກອງປະຊຸມສະຫຼຸບປີ 2012 ແລະ ຜັນຂະຫຍາຍໜ້າທີ່ປີ 2013 ຂອງກຸ່ມບໍລິສັດອຸດສາຫະກຳຖ່ານຫີນ - ໂລຫະຫວຽດນາມ (Vinacomin), ເຊິ່ງຈັດຂຶ້ນໃນຕອນເຊົ້າວັນທີ 12/01 ຢູ່ຮ່າໂນ້ຍ. ຕາມທ່ານຮອງນາຍົກລັດຖະມົນຕີ ຮ່ວາງຈູງຫາຍ ແລ້ວ, ປີ 2012 ແມ່ນປີທີ່ປະສົບກັບຄວາມຫຍຸ້ງຍາກທີ່ສຸດສຳລັບພື້ນຖານເສດຖະກິດເວົ້າລວມ ແລະ ຂະແໜງຖ່ານຫີນເວົ້າສະເພາະ. ລັດຖະບານພວມພິຈາລະນາແຜນຮ່າງສ້າງໂຄງປະກອບກຸ່ມບໍລິສັດຄືນໃໝ່ ຕາມທິດ ພັດທະນາບັນດາຂະແໜງອາຊີບຜະລິດດຳເນີນທຸລະກິດຕົ້ນຕໍ່. ລັດຖະບານກໍມອບໃຫ້ກຸ່ມບໍລິສັດເປັນແຫ່ງນຳເຂົ້າຖ່ານຫີນເພື່ອກະກຽມແຫຼ່ງຖ່ານຫີນໃຫ້ແກ່ປະເທດຊາດໃນຊຸມປີຈະມາເຖິງ. ຄຽງຂ້າງນັ້ນ, ສືບຕໍ່ຍົກສູງຄວາມສາມາດໃນການຄຸມຄອງ, ກວດກາຄືນລະດັບເສດຖະກິດເຕັກນິກ, ທີ່ມີການປຽບທຽບກັບປະເທດອື່ນໆໃນພາກພື້ນ ເພື່ອພັດທະນາຢ່າງໝັ້ນຄົງ.
ປີ 2013, Vinacomin ໄດ້ວາງອອກຄາດໝາຍຈຳໜ່າຍຖ່ານຫີນໃຫ້ໄດ້ 43 ລ້ານໂຕນ, ເພີ່ມຂຶ້ນ 3,7 ລ້ານໂຕນ ເມື່ອທຽບໃສ່ກັບປີ 2012, ດ້ວຍຍອດລາຍຮັບເພີ່ມຂຶ້ນ 15%.