ກຸ່ມບໍລິສັດ,ທະນາຄານໃຫຍ່ຂອງຈີນປາດຖະໜາຢາກລົງທຶນ,ດຳເນີນທຸລະກິດຢູ່ຫວຽດນາມ
| ທ່ານ ຫງວຽນຊວນຟຸກ ຕ້ອນຮັບປະທານກຸ່ມບໍລິສັດ ຈີນ |
|
(vovworld) – ຕອນເຊົ້າວັນທີ 13/9, ຢູ່ນະຄອນຫຼວງ ປັກກິ່ງ, ປະເທດຈີນ ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕ້ອນຮັບປະທານບັນດາທະນາຄານ ອຸດສາຫະກຳການຄ້າ, ທະນາຄານກະສິກຳຈີນ ແລະ ຜູ້ຕາງໜ້າການນຳກຸ່ມບໍລິສັດແຖວໜ້າຂອງຈີນບາງແຫ່ງ. ໃນການຕ້ອນຮັບປະທານທະນາຄານອຸດສາຫະກຳ ການຄ້າ ຈີນ (ICBC), ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ: ຫວຽດນາມ ຊົມເຊີຍ ບັນດາທະນາຄານທ່ີມີອິດທິພົນຊື່ສຽງ, ມີຄວາມສາມາດຊຳລະທີ່ດີຂອງບັນດາປະເທດໃນໂລກເຖິງການເຄື່ອນໄຫວຢູ່ ຫວຽດນາມ, ໃນນັ້ນມີ ICBC. ບົນຈິດໃຈນັ້ນ, ທ່ານນາຍົກລັດຖະມົນຕີ ສະເໜີໃຫ້ ICBC ສົມທົບກັບທະນາຄານແຫ່ງລັດ ຫວຽດນາມ ເພື່ອມີຫຼາຍທິດທາງລົງທຶນ, ຮ່ວມມືຢ່າງລະອຽດ, ແທດຈິງ ແລະ ມີປະສິດທິຜົນຢູ່ ຫວຽດນາມ. ຜູ້ຕາງໜ້າ ICBC ກໍ່ຢືນຢັນຄວາມປາດຖະໜາຢາກປະກອບຫຼາຍກ່ວາອີກໃນວິວັດທະນາການຫັນເປັນປະເທດອຸດສາຫະກຳ, ທັນສະໄໝ ແລະ ພັດທະນາພື້ນຖານໂຄງລ່າງຂອງ ຫວຽດນາມ.
ໃນການຕ້ອນຮັບປະທານທະນາຄານກະສິກຳ ຈູໂໝ້ປີງ, ທ່ານນາຍົກລັດຖະມົນຕີ ສະເໜີວ່າ: ທະນາຄານກະສິກຳ ຈີນ ເປີດສາຂາຢູ່ ຫວຽດນາມ. ທ່ານ ຈູໂໝ້ປີງ ກໍ່ປາດຖະໜາວ່າ: ທ່ານນາຍົກລັດຖະມົນຕີ ຫງວຽນຊວນຟຸກ ຈະເອົາໃຈໃສ່, ສືບຕໍ່ຊີ້ນຳບັນດາອົງການກ່ຽວຂ້ອງຂອງລັດຖະບານ ສ້າງເງື່ອນໄຂໃຫ້ແກ່ທະນາຄານກະສິກຳສົ່ງເສີມບັນດາການເຄື່ອນໄຫວສິນເຊື່ອຢູ່ ຫວຽດນາມ, ປະກອບສ່ວນເຂົ້າໃນການພັດທະນາເສດຖະກິດການຄ້າລະຫວ່າງ 2 ປະເທດ.
ກໍ່ໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ ຟານຂູ, ຜູ້ອຳນວຍການຮັບຜິດຊອບ ອາຊີ ກຸ່ມບໍລິສັດ ຈູງຊິງ ແລະ ທ່ານ ຫວາງໄຄ, ຮອງປະທານກຸ່ມບໍລິສັດ ຮົວເວີຍ. ທີ່ການຕ້ອນຮັບ, ທ່ານນາຍົກລັດຖະມົນຕີ ປາດຖະໜາວ່າ ບັນດາກຸ່ມບໍລິສັດເຫຼົ່ານີ້ສືບຕໍ່ຍູ້ແຮງການຮ່ວມມືກັບບັນດາວິສາຫະກິດ ຫວຽດນາມ.