ກຸ່ມບໍລິສັດນຳ້ມັນແຫ່ງຊາດຫວຽດນາມປະກອບສ່ວນຢ່າງຕັ້ງຫນ້າເຂົ້າໃນການຮັບປະກັນພະລັງງານ
ກອງປະຊຸມສະຫລຸບວຽກງານປີ 2013 ແລະ ຜັນຂະຫຍາຍ
ຫນ້າທີ່ປີ 2014 ຂອງ PVN
photo:chinhphu.vn
|
(vovworld)- ກ່າວຄຳເຫັນຊີ້ນຳທີ່ກອງປະຊຸມສະຫລຸບວຽກງານປີ 2013 ແລະ ຜັນຂະຫຍາຍຫນ້າທີ່ປີ 2014 ຂອງກຸ່ມບໍລິສັດນຳ້ມັນອາຍແກສ ຫວຽດນາມ(PVN) ຊື່ງດຳເນີນໄປໃນວັນທີ 15/1 ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢູງ ຮຽກຮ້ອງ PVN ສຸມໃສ່ຊີ້ນຳການປະຕິບັດ 5 ຂົງເຂດຫລັກແຫລ່ງເປັນຢ່າງດີ ແລະ ມີປະສິດທິຜົນ ຊື່ງກ່ອນອື່ນໝົດແມ່ນສ້າງແຜນການລະອຽດໃນການຍູ້ແຮງຊອກຫາ, ສຳຫລວດ ແລະ ຂຸດຄົ້ນນຳ້ມັນອາຍແກສ ເພື່ອຂຸດຄົ້ນຄວາມສາມາດບົ່ມຊ້ອນ, ຮັບປະກັນພະລັງງານ ແລະ ຢືນຢັນອະທິປະໄຕແຫ່ງຊາດ. ພ້ອມກັນນັ້ນ ສືບຕໍ່ເປີດກວ້າງການຊອກຫາ, ສຳຫລວດຂຸດຄົ້ນນຳ້ມັນອາຍແກສຢູ່ຕ່າງປະເທດຢ່າງແຫນ້ນແຟ້ນ ແລະ ມີປະສິດທິຜົນ. ທ່ານນາຍົກລັດຖະມົນຕີ ຊີ້ນຳ PVN ຍູ້ແຮງການສ້າງໂຄງປະກອບກຸ່ມບໍລິສັດຄືນໃຫມ່ ຊື່ງຈຸດສຸມແມ່ນຍູ້ແຮງການຫັນບັນດາຫົວຫນ່ວຍເປັນຫຸ້ນສ່ວນ, ຖອນແຫລ່ງທຶນທີ່ລົງທຶນນອກຂະແຫນງ, ບູລະນະກົງຈັກ ແລະ ກຳລັງຄວາມສາມາດການຄຸ້ມຄອງ, ເອົາໃຈໃສ່ວຽກງານກໍ່ສ້າງພັກ, ສ້າງຖັນແຖວພະນັກງານມີກຳລັງຄວາມສາມາດວິຊາສະເພາະ ແລະ ຄຸນສົມບັດເພື່ອປະຕິບັດຫນ້າທີ່ທີ່ໄດ້ຮັບການມອບໝາຍເປັນຢ່າງດີ. ໃນໂອກາດນີ້, ທ່ານນາຍົກລັດຖະມົນຕີ ຫງວຽນເຕີນຢູງ ມອບຫລຽນໄຊ, ນາມມະຍົດອັນສູງສົ່ງຂອງພັກ, ລັດ ໃຫ້ແກ່ໝູ່ຄະນະ, ສ່ວນບຸກຄົນຂອງ PVN ທີ່ບັນລຸໄດ້ຜົນງານດີເດັ່ນຫລາຍຢ່າງ.