ທີ່ການຕ້ອນຮັບ, ທ່ານເອກອັກຄະລັດຖະທູດ ໂຮ່ມິນຕ໋ວນ ໄດ້ສະແດງຄວາມຂອບອົກຂອບໃຈຕໍ່ກຸ່ມສະມາຊິກສະພາແຫ່ງຊາດມິດຕະພາບເຊັກໂກ - ຫວຽດນາມ ທີ່ໄດ້ມີບັນດາການປະກອບສ່ວນເຂົ້າໃນການຮັກສາ, ປັບປຸງການພົວພັນສອງຝ່າຍຢ່າງມີປະສິດທິຜົນ. ຜ່ານກຸ່ມສະມາຊິກສະພາແຫ່ງຊາດມິດຕະພາບເຊັກໂກ - ຫວຽດນາມ, ທ່ານເອກອັກຄະລັດຖະທູດ ໂຮ່ມິນຕ໋ວນ ປາດຖະໜາວ່າ ສະພາແຫ່ງຊາດເຊັກໂກຈະໃຫ້ສັດຕະຍາບັນສັນຍາການຄ້າລະຫວ່າງສະຫະພາບເອີຣົບ ກັບຫວຽດນາມ (EVFTA) ໂດຍໄວ ເພື່ອໃຫ້ສັນຍາສະບັບດັ່ງກ່າວໄດ້ລົງນາມໃນ 6 ເດືອນທ້າຍປີ 2018.

        ສ່ວນທ່ານ Leo Luzar ຢັ້ງຢືນວ່າ ໃນຖານະເປັນປະທານກຸ່ມ ແລະ ແມ່ນສະມາຊິກພັກຂອງພັກກອມມູນິດເຊັກໂກ Morava, ທ່ານຈະຂົນຂວາຍ ສະພາຕ່ຳກໍຄືບັນດາກະຊວງ, ຂະແໜງການຂອງເຊັກໂກ ແກ້ໄຂບັນດາສິ່ງກີດຂວາງໃນການພົວພັນລະຫວ່າງສອງປະເທດ ເພື່ອແນໃສ່ເພີ່ມທະວີການຮ່ວມມືສອງຝ່າຍໃນບັນດາຂົງເຂດ ເສດຖະກິດ, ການຄ້າ, ການລົງທຶນ, ການທ່ອງທ່ຽວ ແລະ ແຮງງານ. ທ່ານກໍສະໜັບສະໜູນເລື່ອງສະພາຕ່ຳເຊັກໂກໃຫ້ສັດຕະຍາບັນສັນຍາການຄ້າເສລີລະຫວ່າງ ອີຢູ ແລະ ຫວຽດນາມ ໂດຍໄວ ເພື່ອຜົນປະໂຫຍດຂອງບັນດາຝ່າຍກ່ຽວຂ້ອງ.

ວັນຮຸຍ - ນັກຂ່າວ VOV ປະຈຳ ສ. ເຊັກໂກ