ກວດກາການປະຕິບັດມະຕິສູນກາງພັກຄັ້ງທີ 4 ແລະ ຄຳສັ່ງເລກທີ 03 ຢູ່ແຂວງ ຫວີງຟຸກ
(vovworld) - ໃນລະຫວ່າງວັນທີ 14 - 28/8, ທ່ານດິງເທ໋ຮິງ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງໄດ້ນຳໜ້າຄະນະປະຕິບັດງານຂອງກົມການເມືອງໄປກວດກາການປະຕິບັດມະຕິສູນກາງພັກຄັ້ງທີ 4 (ຊຸດທີ 11) “ບາງບັນຫາຮີບດ່ວນກ່ຽວກັບການກໍ່ສ້າງພັກໃນປະຈຸບັນ” ແລະ ຄຳສັ່ງເລກທີ 03 ຂອງກົມການເມືອງກ່ຽວກັບການສືບຕໍ່ຍູ້ແຮງການຮໍ່າຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ ຢູ່ ແຂວງ ຫວີງຟຸກ. ນະທີນີ້, ທ່ານດິງເທ໋ຮິງ ຢືນຢັນວ່າ: ພາຍຫຼັງການປະຕິບັດມະຕິສູນກາງພັກຄັ້ງທີ 4 ມາເປັນເວລາ 1 ປີ, ວຽກງານກໍ່ສ້າງພັກ, ວຽກງານພະນັກງານໄດ້ຮັບຄວາມເອົາໃຈໃສ່ຫຼາຍກ່ວາ. ດັ່ງນັ້ນ, ສະຕິຄວາມຮັບຜິດຊອບຂອງຖັນແຖວພະນັກງານ, ສະມາຊິກພັກຢູ່ແຂວງ ຫວີງຟຸກ ໄດ້ຍົກສູງຂຶ້ນຢ່າງຈະແຈ້ງ, ບົດບາດ, ຄວາມຮັບຜິດຊອບຂອງຜູ້ນຳຄະນະພັກ, ອຳນາດການປົກຄອງໄດ້ຮັບການຜັນຂະຫຍາຍ, ປະກອບສ່ວນປັບປຸງຄວາມໄວ້ເນື້ອເຊື່ອໃຈໃນພັກ, ລະບົບການເມືອງ ແລະ ປະຊາຊົນ. ເຖິງຢ່າງໃດກໍ່ຕາມ, ໂດຍອີງໃສ່ໝາກຜົນຂອງການຕຳນິຕິຊົມຕົນເອງ ແລະ ຕຳນິຕິຊົມກັນຂອງໝູ່ຄະນະ, ສ່ວນບຸກຄົນໃນຄະນະປະຈຳພັກແຂວງ ຫວີງຟຸກ, ທ່ານ ດິງເທ໋ຮິງ ເນັ້ນໜັກວ່າ:
“ຄະນະກວດກາໄດ້ສະເໜີຕໍ່ຄະນະປະຈຳພັກແຂວງ ຫວີງຟຸກ ເອົາໃຈໃສ່ເປັນພິເສດເຖິງການຊີ້ນຳໃຫ້ຄະນະພັກຂັ້ນຕ່າງໆຍົກສູງຄຸນນະພາບການດຳເນີນຊີວິດພັກຢູ່ໜ່ວຍພັກ, ສະກັດກັ້ນ ແລະ ຍູ້ໃຫ້ສະພາບຊຸດໂຊມກ່ຽວກັບແນວຄິດການເມືອງ, ຄຸນສົມບັດ, ແບບແຜນດຳລົງຊີວິດໃນພະນັກງານ, ສະມາຊິກພັກຢ່າງທັນການ.”