ກອງປະຊຸມສຳມະນາ ໂດຍສະພາຊົນເຜົ່າຂອງສະພາແຫ່ງຊາດ
ແລະ ອົງການສະຫະປະຊາຊາດເພື່ອການພັດທະນາ ຈັດຕັ້ງ
(TTXVN)
(Vovworld)- “ ການກວດການະໂຍບາຍ, ກົດໝາຍ ກ່ຽວກັບການຫຼຸດຜ່ອນຄວາມທຸກຍາກສຳລັບຊາວເຜົ່າສ່ວນໜ້ອຍຢູ່ຫວຽດນາມ - ສະພາບຕົວຈິງ ແລະ ບັນດາບັນຫາທີ່ວາງອອກ “ ນັ້ນແມ່ນຫົວຂໍ້ຂອງກອງປະຊຸມສຳມະນາ ໂດຍສະພາຊົນເຜົ່າຂອງສະພາແຫ່ງຊາດ ແລະ ອົງການສະຫະປະຊາຊາດເພື່ອການພັດທະນາ ຈັດຕັ້ງໃນວັນທີ 22/12, ຢູ່ລ້າງເຊີນ. ບັນດາຜູ້ແທນໄດ້ຕີລາຄາສູງວຽກງານຊົນເຜົ່າ ໃນໄລຍະ 5 ປີ 2011-2015 ບັນລຸໄດ້ໝາກຜົນທີ່ເປັນໜ້າຊື່ນຊົມຫຼາຍຢ່າງ; ຮັບຮູ້ກ່ຽວກັບວຽກງານຊົນເຜົ່າທີ່ມີການຫັນປ່ຽນຢ່າງຈະແຈ້ງໃນທົ່ວລະບົບການເມືອງ ຈາກສູນກາງລົງຮອດທ້ອງຖິ່ນ. ບັນດານະໂຍບາຍໃໝ່ທີ່ໄດ້ປະກາດໃຊ້ ໄດ້ເສີມຂະຫຍາຍ ແລະ ມີປະສິດທິຜົນ, ປະກອບສ່ວນເຮັດໃຫ້ໂສມໜ້າເຂດຊົນເຜົ່າສ່ວນໜ້ອຍ ແລະ ເຂດພູສູງມີການປ່ຽນແປງພໍສົມຄວນ. ອັດຕາສ່ວນຄອບຄົວທຸກຍາກຢູ່ເຂດຊົນເຜົ່າສ່ວນໜ້ອຍໄດ້ຫຼຸດລົງໄວກວ່າລະດັບສະເລ່ຍລວມໃນທົ່ວປະເທດ; ມີສະຖຽນລະພາບທາງດ້ານຄວາມເປັນລະບຽບຮຽບຮ້ອຍ ແລະ ມີຄວາມປອດໄພທາງສັງຄົມ, ການປ້ອງກັນຊາດປ້ອງກັນຄວາມສະຫງົບໄດ້ຮັບການຮັກສາຢ່າງໝັ້ນຄົງ. ປະຊາຊົນບັນດາເຜົ່າມີຄວາມສາມັກຄີກັນ, ເຊື່ອໝັ້ນຕໍ່ການນຳພາຂອງພັກ, ມີຄວາມມານະພະຍາຍາມສູ້ຊົນ ບືນຕົວຂຶ້ນ ເພື່ອຫຼຸດຜ່ອນຄວາມທຸກຍາກ.
ທີ່ກອງປະຊຸມສຳມະນາ, ທ່ານ ແຢງອຸດ, ຮອງປະທານສະພາຊົນເຜົ່າ ສະພາແຫ່ງຊາດ, ຖືວ່າ: ໃນໄລຍະປີ 2016-2020 ຄວນມີບັນດາມາດຕະການປຸກລະດົມ ແລະ ປະຕິບັດແຫຼ່ງກຳລັງລົງທຶນຢູ່ເຂດຊົນເຜົ່າ ແລະ ພູສູງໃຫ້ເປັນຢ່າງດີ ເພື່ອປະຕິບັດບັນດາເປົ້າໝາຍພັດທະນາສະຫັດສະວັດ ສຳລັບຊາວຊົນເຜົ່າສ່ວນໜ້ອຍ. ບັນດາກະຊວງ, ຂະແໜງການ, ທ້ອງຖິ່ນ ຄວນໃຫ້ບຸລິມະສິດແກ່ນະໂຍບາຍໜູນຊ່ວຍຊາວຊົນເຜົ່າ ບືນຕົວຂຶ້ນ ເພື່ອຫຼຸດພົ້ນອອກຈາກຄວາມທຸກຍາກດ້ວຍຕົນເອງຄື: ມອບດິນມອບຢ່າໃຫ້ປະຊາຊົນປົກປັກຮັກສາ, ໜູນຊ່ວຍໃນການລ້ຽງສັດ, ໜູນຊ່ວຍທຶນກູ້ຢືມ….; ປະຕິບັດໂຄງການເປົ້າໝາຍກ່ຽວກັບການຫຼຸດຜ່ອນຄວາມທຸກຍາກແບບຍືນຍົງ ແລະ ກໍ່ສ້າງຊົນນະບົດໃໝ່ເປັນຢ່າງດີ.