(vovworld) – ຕອນເຊົ້າວັນທີ 27/10, ທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາ ພ້ອມກັບຄະນະປະຕິບັດງານສູນກາງ ໄດ້ໄປກວດກາວຽກງານແກ້ໄຂຜົນຮ້າຍຢ້ອນຫຼັງຈາກພາຍຸ Wutip ແລະ Nari ຢູ່ແຂວງກວາງບິ່ນ.
ຄະນະປະຕິບັດງານໄດ້ໄປຢ້ຽມຢາມຟາມ ຫວຽດນາມ - ຈີນ, ເມືອງ ໂບ໋ແຈກ, ແຂວງກວາງບິ່ນ, ແຫ່ງທີ່ມີຕົ້ນຢາງພາລາກວ່າ 2000 ເຮັກຕາຖືກທຳລາຍຍ້ອນພາຍຸດັ່ງກ່າວ. ທ່ານ ເລຮົ່ງແອງ ໄດ້ໃສ່ໃຈວ່າ:
“ປະຈຸບັນຕ້ອງນຳໃຊ້ຕົ້ນໄມ້ທີ່ຖືກທຳລາຍຄືແນວໃດ, ປຸງແຕ່ງ ແລະ ຮັກສາລາຄາຄືແນວໃດ. ຕ້ອງມີການຊີ້ນຳ, ນຳພາວຽກງານແກ້ໄຂ ເພື່ອແບ່ງເບົາຄວາມເສຍຫາຍກັບປະຊາຊົນ. ທາງເມືອງກໍ່ຕ້ອງວາງແຜນກຳນົດຄືນໃໝ່, ກໍ່ຄືມີແຜນຮ່າງພັດທະນາເສດຖະກິດຢ່າງໝັ້ນຄົງ, ເພື່ອເຮັດໃຫ້ຊີວິດຂອງປະຊາຊົນພາກກາງພັດທະນາຂຶ້ນ“.