ກວດລົດຂົນສົ່ງ, ທັນຍາຫານ, ອາຫານເຄື່ອງຂອງທີ່ຈຳເປັນເພື່ອຮັບໃຊ້ໃຫ້ແກ່ເຂດເກີດໂລກລະບາດໂຄວິດ - 19
(VOVWORLD) -ຕາມນັ້ນແລ້ວ, ບໍ່ປະຕິບັດການກວດບັນດາຍານພາຫະນະຂົນສົ່ງສິນຄ້າທີ່ຈຳເປັນ, ທັນຍາຫານ, ອາຫານ ຮັບໃຊ້ຊີວິດການເປັນຢູ່ຂອງປະຊາຊົນ (ເຊິ່ງໄດ້ຕິດລະຫັດ QR Code ຂອງຂະແໜງຄົມມະນາຄົມ ແລະ ຂົນສົ່ງ) ຢູ່ບັນດາເສັ້ນທາງຄວາມໄວສູງ, ເສັ້ນທາງຫຼວງ, ເສັ້ນທາງແຂວງຕໍ່ແຂວງ, ເສັ້ນທາງລະຫວ່າງບັນດາເມືອງ, ຄົມມະນາຄົມຕົວເມືອງໃນຂອບເຂດທົ່ວປະເທດ.
ວັນທີ 25 ກໍລະກົດ, ທ່ານຮອງນາຍົກລັດຖະມົນຕີ ຫວຽດນາມ ເລວັນແທັງ ໄດ້ເຊັ່ນປະກາດໃຊ້ເອກະສານແນະນຳໃຫ້ບັນດາກະຊວງ, ອົງການທຽບເທົ່າກະຊວງ, ອົງການຂຶ້ນກັບລັດຖະບານ, ຄະນະກຳມະການປະຊາຊົນບັນດາແຂວງ, ນະຄອນຂຶ້ນກັບສູນກາງ ກ່ຽວກັບການຂົນສົ່ງສິນຄ້າທີ່ຈຳເປັນເພື່ອຮັບໃຊ້ໃຫ້ແກ່ການດຳລົງຊີວິດຂອງປະຊາຊົນເຂດເກີດໂລກລະບາດໂຄວິດ - 19.
ຕາມນັ້ນແລ້ວ, ບໍ່ປະຕິບັດການກວດບັນດາຍານພາຫະນະຂົນສົ່ງສິນຄ້າທີ່ຈຳເປັນ, ທັນຍາຫານ, ອາຫານ ຮັບໃຊ້ຊີວິດການເປັນຢູ່ຂອງປະຊາຊົນ (ເຊິ່ງໄດ້ຕິດລະຫັດ QR Code ຂອງຂະແໜງຄົມມະນາຄົມ ແລະ ຂົນສົ່ງ) ຢູ່ບັນດາເສັ້ນທາງຄວາມໄວສູງ, ເສັ້ນທາງຫຼວງ, ເສັ້ນທາງແຂວງຕໍ່ແຂວງ, ເສັ້ນທາງລະຫວ່າງບັນດາເມືອງ, ຄົມມະນາຄົມຕົວເມືອງໃນຂອບເຂດທົ່ວປະເທດ. ການກວດບັນດາຍານພາຫະນະຂົນສົ່ງສິນຄ້າທີ່ຈຳເປັນຮັບໃຊ້ໃຫ້ແກ່ຊີວິດການເປັນຢູ່ຂອງ ປະຊາຊົນ ພຽງແຕ່ໄດ້ຮັບການປະຕິບັດຢູ່ບັນດາຈຸດມອບຮັບສິນຄ້າ ທີ່ຮັບປະກັນການປະຕິບັດບັນດາຄວາມຮຽກຮ້ອງໃນການປ້ອງກັນ, ຕ້ານໂລກລະບາດໂຄວິດ - 19 ຢ່າງຄົບຖ້ວນ.