ກວາງຈີ້ ຄວນເສີມຂະຫຍາຍແຫຼ່ງກຳລັງວັດຖຸ ແລະ ຈິດໃຈຢ່າງສຸດຂີດເພື່ອພັດທະນາ
ທ່ານເລຂາທິການໃຫຍ່ຄະນະບໍລິຫານງານສູນ
ກາງພັກກອມມູນິດ ຫວຽດນາມ ຫງວຽນຟູ໋ຈ້ອງ
(ພາບ: TTXVN)
(vovworld) - ກວາງຈີ້ ຄວນເສີມຂະຫຍາຍແຫຼ່ງກຳລັງວັດຖຸ ແລະ ຈິດໃຈຢ່າງສຸດຂີດເພື່ອພັດທະນາ ນີ້ແມ່ນຄຳເຫັນຊີ້ນຳຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ທີ່ການເຮັດວຽກໃນວັນທີ 06/04 ກັບການນຳຫຼັກແຫຼ່ງຂອງແຂວງ ກວາງຈີ້ ກ່ຽວກັບສະພາບການປະຕິບັດໜ້າທີ່ພັດທະນາເສດຖະກິດ - ສັງຄົມ, ປ້ອງການຊາດປ້ອງກັນຄວາມສະຫງົບ ແລະ ການພົວພັນຕ່າງປະເທດ, ວຽກງານກໍ່ສ້າງພັກ, ກໍ່ສ້າງລະບົບການເມືອງ. ທ່ານເລຂາທິການໃຫຍ່ຊົມເຊີຍແຂວງ ກວາງຈີ້ ໄດ້ມີການປ່ຽນໃໝ່ຫລາຍຢ່າງກ່ຽວກັບແບບແຜນ, ວິທີການຊີ້ນຳນຳພາຕາມທິດຄົບຊຸດ, ຂ້ຽວຂາດກ່ວາ. ກ່ຽວກັບໜ້າທີ່ຈະມາເຖິງ, ທ່ານເລຂາທິການໃຫຍ່ເນັ້ນໜັກວ່າ ຄວນສຸມໃສ່ປະຕິບັດເປັນຢ່າງດີທີ່ສຸດ ເປົ້າໝາຍສູ້ຊົນຮອດປີ 2020 ແຂວງ ກວາງຈີ້ ບັນລຸລະດັບພັດທະນາປານກາງໃນທົ່ວປະເທດ. ທ່ານເລຂາທິການໃຫຍ່ ໃສ່ໃຈວ່າ ທາງແຂວງພັດທະນາຮອບດ້ານ ແຕ່ຕ້ອງມີຈຸດສຸມ, ຈຸດພິເສດ, ຕ້ອງມີຜະລິດຕະພັນລະອຽດ, ເສດຖະກິດຕ້ອງກ້າວຂຶ້ນ, ຊີວິດການເປັນຢູ່ຂອງປະຊາຊົນສືບຕໍ່ໄດ້ຮັບການປັບປຸງ; ພ້ອມກັນນັ້ນ ຈິດໃຈຍູ້ແຮງການປະຕິຮູບດ້ານບໍລິຫານ, ຮຽກຮ້ອງການລົງທຶນ.