ກວາງນິງປະກາດແຜນການເຕີບໂຕຂຽວ
ກວາງນິງປະກາດແຜນການເຕີບໂຕຂຽວ
(ພາບ: nhandan)
(vovworld) - ວັນທີ 17/11, ຢູ່ນະຄອນຫ້າລອງ, ຄະນະກຳມະການປະຊາຊົນແຂວງກວາງນິງ ສົມທົບກັບອົງການຮ່ວມມືສາກົນຍີ່ປຸ່ນ (JICA) ຈັດຕັ້ງກອງປະຊຸມສຳມະນາ “ປະກາດແຜນການເຕີບໂຕຂຽວ ແລະດຳເນີນໂຄງການຊຸກຍູ້ການເຕີບໂຕຂຽວຢູ່ອ່າວຫ້າລອງ“. ທີ່ກອງປະຊຸມສຳມະນາ, ທ່ານ ຮ່ວາງແຢງເຊີນ, ຮອງຫົວໜ້າພະແນກແຜນການ ແລະການລົງທຶນແຂວງກວາງນິງ, ໃຫ້ຮູ້ວ່າ, ຄາດໝາຍສັງລວມຂອງແຜນການເຕີບໂຕຂຽວ ແມ່ນເພື່ອແນໃສ່ພັດທະນາເສດຖະກິດຢ່າງໝັ້ນຄົງ, ຍົກສູງປະສິດທິຜົນແຫຼ່ງກຳລັງ ແລະ ຫຼຸດຜ່ອນການປ່ອຍອາຍແກສເຮືອນແກ້ວ, ກ້າວໄປເຖິງພື້ນຖານເສດຖະກິດ CO2 ຕຳ່. ກວາງນິງ ສູ້ຊົນເຖິງປີ 2020 ຈະກາຍເປັນໜຶ່ງໃນບັນດາແຂວງນຳໜ້າທົ່ວປະເທດປະຕິບັດສຳເລັດບັນດາຄາດໝາຍກ່ຽວກັບການປົກປັກຮັກສາສິ່ງແວດລ້ອມ ໃນຂອບເຂດຍຸດທະສາດເຕີບໂຕຂຽວຂອງຫວຽດນາມ. ທີ່ກອງປະຊຸມ, ບັນດານັກຊ່ຽວຊານຍີ່ປຸ່ນ ກໍ່ໄດ້ແບ່ງປັນບາງບົດຮຽນໃນການຄຸ້ມຄອງຊັບພະຍາກອນທຳມະຊາດ ແລະ ນຳ້ຢູ່ໜອງ Biwa, ເຊິ່ງແມ່ນໜອງນຳ້ຈືດໃຫຍ່ກວ່າໝູ່ຂອງຍີ່ປຸ່ນ.