ກວາງນາມສືບຕໍ່ລະດົມທຸກແຫຼ່ງເງິນລົງທຶນໃຫ້ແກ່ໂຮ້ຍອານ ແລະ ມີ້ເຊີນ
(VOVWORLD) - ວັນທີ 7 ກັນຍາ, ຄະນະກຳມະການປະຊາຊົນແຂວາງກວາງນາມ ໄດ້ຈັດກອງປະຊຸມຕີລາຄາວຽກງານອະນຸລັກຮັກສາ, ເສີມຂະຫຍາຍຄຸນຄ່າເຂດຕົວເມືອງເກົ່າໂຮ້ຍອານ ແລະ ເຂດທາດເຈດີ ມີ້ເຊີນ ພາຍຫຼັງ 20 ປີທີ່ ໄດ້ຮັບຮອງວ່າ ແມ່ນມໍລະດົກໂລກຈາກ UNESCO ແລະ 10 ປີທີ່ດອນຈ່າມ-ໂຮ້ຍອານ ໄດ້ຮັບຮອງວ່າແມ່ນເຂດນິເວດວິທະຍາໂລກ.
ເຂດທາດເຈດີມີ້ເຊີນ
(ພາບ: https://mytour.vn/)
|
ໃນ 20 ປີຜ່ານມາ, ທົ່ວລະບົບເຂດທາດເຈດີມີ້ເຊີນ, ເຮືອນບບູຮານໂຮ້ຍອານ ແລະ ລະບົບຊີວະພາບດອນຈ່າມ ລວ້ນແຕ່ໄດ້ຮັບການປົກປັກຮັກສາໄວ້ເໝືອນເດີມ. ທ່ານດິງວັນທູ ປະທານຄະນະກຳມະການປະຊາຊົນແຂວາງກວາງນາມ ໃຫ້ຮູ້ວ່າ: ທາງແຂວງສືບຕໍ່ລະດົມບັນດາແຫຼ່ງເງິນລົງທຶນເພື່ອສ້ອມແປງ, ຟື້ນຟູຄຸນຄ່າບັນດາເຂດປູຊະນີຍະສະຖານຢູ່ເຂດຕົວເມືອງເກົ່າໂຮ້ຍອານ ແລະ ເຂດທາດເຈດີມີ້ເຊີນ. ທ່ານດິງວັນທູ ເວົ້າວ່າ:
ທາງແຂວງໄດ້ຈັດຕັ້ງປະຕິບັດບັນຫາວາງການແຜນກຳນົດໂດຍທ່ານນາຍົກລັດຖະມົນຕີໄດ້ເຊັນອະນຸມັດຢ່າງເຂັ້ມງວດ, ຊອກຫາແຫຼ່ງກຳລັງເພື່ອປະຕິບັດ; ສືບຕໍ່ຜັນຂະຫຍາຍວຽກງານຄຸ້ມຄອງມໍລະດົກເຂດຕົວເມືອງເກົ່າໂຮ້ຍອານ ແລະ ເຂດທາດເຈດີມີ້ເຊີນ ຢ່າງມີປະສິດທິຜົນ, ຖືກຕ້ອງຕາມການແນະນຳ, ຖືກຕ້ອງຕາມການກຳນົດຂອງກົດໝາຍປະກາດໃຊ້ໃນປະຈຸບັນ. ພ້ອມກັບການຄຸ້ມຄອງ ແລະ ການປະຕິບັດ ຕ້ອງສ້າງແຫຼ່ງກຳລັງເພື່ອພັດທະນາ.