ກວາງບິນ: ຖ່າຍທອດສົດ ລາຍການ “ນ້ຳໃຈ ອົບອຸ່ນລະຫວ່າງນັກ ຮົບຫວຽດນາມ - ລາວ”
ພາບປະກອບ
(vovworld) – “ນ້ຳໃຈອົບອຸ່ນລະຫວ່າງນັກຮົບຫວຽດນາມ - ລາວ” ແມ່ນຫົວຂໍ້ຂອງລາຍການພົບປະແລກປ່ຽນໂດຍກອງບັນຊາການທະຫານຊາຍແດນແຂວງ ກວາງບິນ ສົມທົບກັບວິທະຍຸ - ໂທລະພາບ ກວາງບິນ ຈັດຕັ້ງໃນຕອນຄຳ່ວັນທີ 14/7. ງານພົບປະແລກປ່ຽນ ແມ່ນໂອກາດເພື່ອໃຫ້ການນຳກອງປ້ອງກັນຄວາມສະຫງົບ, ກອງບັນຊາການທະຫານແຂວງ ຄຳມ່ວນ ແລະ ກອງບັນຊາການທະຫານຊາຍແດນແຂວງ ກວາງບິນ ແບ່ງປັນບັນດາຜົນງານທີ່ບັນລຸໄດ້ ກໍຄືບັນດາຄວາມຫຍຸ້ງຍາກຂອງ 3 ກຳລັງ ໃນການສົບທົບກັນປະຕິບັດການປ້ອງກັນຄວາມສະຫງົບໃນເຂດຊາຍແດນຂອງ 2 ປະເທດ. ທ່ານ ພັນເອກ Nguyen Van Phuc, ຫົວໜ້າກອງບັນຊາການທະຫານຊາຍແດນແຂວງ ກວາງບິນ ໃຫ້ຮູ້ວ່າ:
“ພວກຂ້າພະເຈົ້າໄດ້ແລກປ່ຽນຂໍ້ມູນຂ່າວສານເປັນປະຈຳ, ສົມທົບກັນຢ່າງແໜ້ນແຟ້ນໃນການຕໍ່ສູ້ຕ້ານອາດຊະຍາກຳ, ມາຮອດປະຈຸບັນ, ສະພາບຄວາມສະຫງົບປອດໄພດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ ຢູ່ ເຂດຊາຍແດນ ກວາງບິນ - ຄຳມ່ວນ ໄດ້ຮັບການຮັກສາໄວ້ຢ່າງໝັ້ນຄົງ. ປະຊາຊົນແຂວງ ຄຳມ່ວນມີນ້ຳໃຈອັນສະໜິດສະໜົມ ແລະ ຊ່ວຍເຫຼືອພວກຂ້າພະເຈົ້າຫຼາຍໃນວິວັດການປະຕິບັດໜ້າທີ່”
ອ້າຍ ຈິກໃຈເພັດ, ພະນັກງານກອງປ້ອງກັນຄວາມສະຫງົບແຂວງ ຄຳມ່ວນ ເວົ້າວ່າ:
“ນີ້ເປັນຄັ້ງທຳອິດທີ່ຂ້າພະເຈົ້າໄດ້ເຂົ້າຮ່ວມງານພົບປະແລກປ່ຽນພິເສດຄືແນວນີ້. ຂ້າພະເຈົ້າຄິດວ່າ: ນ້ຳໃຈສາມັກຄີ ແລະ ການພົວພັນແບບພິເສດລະຫວ່າງ ແຂວງ ກວາງບິນ ແລະ ຄຳມ່ວນເວົ້າສະເພາະ ແລະ 2 ຊາດພວກເຮົາເວົ້າລວມ ນັບມື້ນັບພັດທະນາຍິ່ງຂຶ້ນ. ຂ້າພະເຈົ້າ ແລະ ພວກເພື່ອນ ຈົ່ງພ້ອມກັນສ້າງສາ, ເພີ່ມພູນຄູນສ້າງເພື່ອໃຫ້ນ້ຳໃຈຫວຽດນາມ - ລາວ ສວຍສົດງົດງາມ, ໝັ້ນຄົງທະນົນແກ່ນຕະຫຼອດໄປ.”