(vovworld) - ວັນທີ 21/2, ຢູ່ແຂວງກວາງນາມໄດ້ດຳເນີນກອງປະຊຸມສະຫຼຸບວຽກງານປັກຫຼັກໝາຍຊາຍແດນຕອນຜ່ານແຂວງກວາງນາມ ຂອງຫວຽດນາມ - ແຂວງເຊກອງ ຂອງລາວ ແລະ ຜັນຂະຫຍາຍແຜນການປີ 2012. ຄະນະຊີ້ນຳປັກຫຼັກໝາຍຊາຍແດນແຂວງກວາງນາມ ເຫັນດີເປັນເອກະສັນຈະຜັນຂະຫຍາຍການກໍ່ສ້າງຫຼັກໝາຍຊາຍແດນ 18 ຫຼັກໃນປີ 2012, ພ້ອມກັນນັ້ນກໍສືບຕໍ່ສົມທົບກັບໜ່ວຍປັກຫຼັກໝາຍຊາຍແດນແຂວງເຊກອງ ດຳເນີນການສຳຫຼວດສະຖານທີ່ປັກຫຼັກໝາຍຕື່ມອີກ 13 ແຫ່ງຕາມບົດບັນທຶກຂອງຄະນະກຳມະການປະສົມປັກຫຼັກໝາຍຊາຍແດນລະຫວ່າງຫວຽດນາມ - ລາວ ເຊິ່ງໄດ້ເຫັນດີເປັນເອກະສັນນຳກັນເມືອປີ 2010 ແລ້ວ. ໃນປີ 2011, ໜ່ວຍປັກຫຼັກໝາຍຊາຍແດນປະສົມຂອງແຂວງກວາງນາມ ແລະ ແຂວງເຊກອງໄດ້ຜັນຂະຫຍາຍການກໍ່ສ້າງຫຼັກໝາຍໄດ້ 42 ຫຼັກ ໃນຈຳນວນ 60 ຫຼັກ, ພ້ອມກັນນັ້ນກໍ່ສ້າງສຳເລັດສຳເນົາເອກະສານດ້ານເຕັກນິກ, ກົດໝາຍ, ມອບສົ່ງບັນດາຫຼັກໝາຍທີ່ໄດ້ກໍ່ສ້າງສຳເລັດໃຫ້ກຳລັງປ້ອງກັນຊາຍແດນ 2 ແຂວງຄຸ້ມຄອງ.